Тейлор Свифтнинг “Eras” тури тарихдаги энг юқори даромад келтирган концерт-тур сифатида Гиннеснинг рекордлар китобига кирди. Бу ҳақда китоб тузувчилари маълум қилди.
Март ойида бошланган гастроль хонандага 1,04 миллиард доллар даромад келтирди. Кассаси ўн хонали сондан ошган биринчи тур ҳисобланади.
Гастроль 2024 йилнинг декабрида тугайди. Pollstar Boxoffice’нинг маълумотларига кўра, Свифтга жами 2 миллиарддан ортиқроқ даромад олиб келиши кутилмоқда.
Бунгача, энг даромадли тур июль ойида якунланган Элтон Жоннинг “Farewell Yellow Brick Road tour” гастроли бўлган. Қўшиқчи жами 328 та концерт бериб, улардан жами 939 миллион доллар ишлаб топган. Свифт “Eras”нинг дастлабки 60 та шоусидан 1 миллиард доллар ишлади. Гастроль давомида жами 151та чиқиш қилиши режалаштирилган.
Гиннеснинг рекордлар китобига кириш 33 ёшли қўшиқчининг 2023 йилдаги ягона ютуғи эмас. Тейлор Свифт Тиме журнали талқинига кўра, “Йил одами” деб топилди. АҚШ ялпи ички маҳсулотини 4,3 миллиард долларга оширди, биргина Spotify орқали 100 миллион доллардан кўпроқ даромад олди. Жаҳоннинг етакчи университетларида хонанданинг ижоди бўйича курслар очилди.
Изоҳ (0)