Time журнали америкалик хонанда Тейлор Свифтни “Йил одами” деб топди. У бу мақомга даъвогар Россия президенти Владимир Путин ва Хитой раҳбари Си Цзиньпинни ортда қолдирди.
Россия ва Хитой раҳбарларидан ташқари, Time журналининг 2023 йилги “Йил одами” унвонига номзодлар рўйхатига қуйидагилар ҳам киритилган:
- Буюк Британия қироли Чарльз III;
- Грета Гервигнинг “Барби” фильмида бош қаҳрамонга айланган Барби қўғирчоғи;
- Голливуд ссенаристлари ва актёрларининг иш ташлаши иштирокчилари;
- OpenAI бош директори Сем Алтман;
- АҚШ собиқ президенти Дональд Трампнинг судларида қатнашган прокурорлар;
- АҚШ Федерал захира тизими раиси Жером Пауэлл.
“Бу мен бошдан кечирган энг ғурурли, энг бахтли, ижодий ва эркин туйғу”, — дея Свифт муносабат билдирди.
Свифт Eras Tour жаҳон турларида қатнашади, бу аёл хонандага энг юқори даромад келтирувчи гастролга айланди. Октябрь ойида худди шу номдаги фильм тарихдаги энг юқори даромад келтирган концерт фильмига айланди.
Bloomberg нашрига кўра, унинг мусиқий альбом, концертлар, гастрол ва турли рекламалар орқали орттирган бойлиги 1,1 млрд долларни ташкил қилади. Тейлор тарихда мусиқасидан миллиард доллардан кўпроқ даромад олган биринчи хонандага айланди.
- Time нашри 1927 йилдан бери “Йил одами”ни эълон қилади. Рейтингни йил давомида матбуот сарлавҳаларига энг катта таъсир кўрсатган “шахс, шахслар гуруҳи ёки ҳодиса” бошқаради. 2022 йилда “Йил одами” унвонини Владимир Зеленский қўлга киритган.
Изоҳ (0)