Америкалик хонанда Тейлор Свифт Spotify’дан 100 миллион доллардан кўпроқ даромад олиши мумкин. Бу ҳақда хонанданинг трекларини йилига тинглаш сонига асосланган ҳисоб-китобларга таяниб хабар берилмоқда.
Йил бошидан буён хонанданинг қўшиқлари Spotify’да 26,1 миллиард марта эшитилган. Агар декабрь ойида ҳам кўрсаткичлар шу зайилда бўлса, йил охирига келиб Тейлорнинг стримингдан олган даромади 130 миллион долларга етиши мумкин.
Ҳозирча, Spotify вакиллари ва Тейлор бу маълумотни тасдиқлаганича йўқ.
Шунингдек, Billboard’нинг ҳисоб-китобларига кўра, Свифтнинг барча стриминг иловаларидан жами даромади 200 миллион доллар атрофида бўлиши мумкин.
Сўнгги пайтларда қўшиқчи жуда катта машҳурликка эришди. Яқинда Гарвард университетида Тейлор Свифт ижодига бағишланган курс очилиши режалаштирилмоқда.
Маълумот учун, Spotify бу — онлайн платформа бўлиб, миллионлаб мусиқа, видео ва подкастларни битта платформада қулай қилиб тақдим қиладиган илова. Дунё бўйлаб санъаткорлар ва қўшиқчилар иловага ўз ижод намуналарини юклаши мумкин.
Изоҳ (0)