Декабрь ойининг иккинчи ярмида Chevrolet Cobalt, Damas, Labo автомобиллари учун шартнома бериш бошланади.
![](/static/2023/Islombek Umaraliyev/photo_2021-04-08_17-21-41.jpg)
Компания хабарига кўра, шартномалар 2024 йилда ишлаб чиқарилиши режалаштирилган автомобиллар учун онлайн тарзда берилади.
![](/static/2023/Islombek Umaraliyev/photo_2021-11-20_13-26-32.jpg)
Сотув бошланишининг аниқ санаси UzAutoMotors расмий саҳифаларида эълон қилиниши, шартномалар One ID идентификация тизимидан рўйхатдан ўтган ҳолда тузилиши эслатилган.
![](/static/2023/Islombek Umaraliyev/photo_2021-11-20_13-26-51.jpg)
Аввалроқ UzAutoMotors ишлаб чиқариш линияларида амалга оширилган модернизация ишлари ҳисобига 2023 йилда қўшимча 50 000 дона автомобиль ишлаб чиқариш имконияти яратилганини маълум қилганди.
Эслатиб ўтамиз, 3 ноябрь куни Cobalt, Gentra, Damas, Labо дилерлик марказларида шартнома берилган. Сотувлар доимгидек бир неча соатларда автосалонлардаги узун навбатлар, ур-йиқит, тўполон билан ўтди.
Компания сўнгги баёнотида автомобиллар сотуви тўлиқ онлайн шаклга ўтказилишини маълум қилганди.