Исроил бир қанча араб давлатларига келажакдаги ҳужумларнинг олдини олиш учун Ғазо сектори билан чегарасида буфер зона яратиш режаси борлигини айтди. Бу ҳақда манбаларга таяниб, Reuters хабар берди.
Исроил бу ҳақда Миср, Иордания, БАА ва Саудия Арабистони, Туркияни хабардор қилган.
“Исроил Ғазо ва Исроил ўртасида буфер зона ташкил этилишини истайди, бу ҲАМАС ёки бошқа жангчиларнинг Исроилга кириб келиши ва ҳужумига йўл қўймайди”, — деди минтақа давлатларидан биридаги юқори мартабали хавфсизлик ходими.
Ғазо сектори ичида буфер зона яратиш режалари Исроил расмийси томонидан The Times of Israel нашрига тасдиқланди.
“Бу сиёсий чора эмас, хавфсизлик чораси. Биз Ғазо секторидан чегарада қолиш ниятимиз йўқ”, — деди нашр суҳбатдоши.
Унинг сўзларига кўра, Исроилда “уруш тугагач, Ғазо секторида нимани кўришни хоҳлаш” бўйича мунозаралар олиб борилмоқда. Исроил армияси буфер зонанинг яратилиши ҲАМАСга “чегара яқинида ҳарбий потенциал яратиш ва яна Исроилни ҳайратда қолдиришга” тўсқинлик қилишини айтмоқда.
Ноябрь ойи бошида Исроил бош вазири Биньямин Нетаньяху Исроил ҳарбий ҳаракатлар тугагандан сўнг Ғазо секторида “ноаниқ муддат” хавфсизликни ўз зиммасига олиши кераклигини билдирганди.
“Агар биз хавфсизлик учун жавобгар бўлмасак, ҲАМАС биз тасаввур ҳам қила олмайдиган даражада кучаяди”, — деган у.
АҚШ президенти Жо Байден ҲАМАС ҳаракатини бутунлай йўқ қилиш кераклигини айтди, бироқ унинг фикрича, Исроилнинг Ғазо секторини босиб олиши катта хато бўлади.
Изоҳ (0)