Туркманистонда йирик метан чиқиндиларини чеклаш режасини тайёрлаш учун АҚШ ҳукуматининг потенциал ёрдами билан мамлакатга нефть муҳандислари юборилди. Бу ҳақда Bloomberg хабар берди.
Техник экспертлар давлатга қарашли нефть-газ компаниялари мансабдор шахслари билан биргаликда чиқиндилар манбасини ва уларнинг олдини олишнинг потенциал усулларини ўрганмоқда.
“Туркманистоннинг катта миқдордаги метан чиқиндиларини чеклаш бўйича ҳар қандай келишув иқлим бўйича муҳим ғалаба бўлади”.
Туркманистон ва АҚШ май ойида бу соҳада ишчи гуруҳ тузиш ва қўшма сармоя режасини ишлаб чиқишга келишиб олганди. Туркманистон АҚШ ва Европа Иттифоқи бошчилигидаги глобал метан бўйича мажбуриятга қўшилган.
Келишув 150 дан ортиқ мамлакатларни ўз ичига олади, улар ўн йиллик охиригача кучли иссиқхона газларининг глобал эмиссиясини 2020 йил даражасига нисбатан 30 фоизга қисқартиришга ваъда берган.
Кўмир, нефть ва қазилма газ ишлаб чиқариш натижасида ҳосил бўлган метан инсон томонидан метан чиқиндиларининг тахминан учдан бир қисмини ташкил қилади. Қолганлари қишлоқ хўжалиги, чиқиндилар ва бошқа оқимлардан келади.
Туркманистон Хитой, Россия, Озарбайжон ва Ўзбекистон томонидан харид қилинадиган табиий газнинг минтақадаги асосий етказиб берувчиларидан бири ҳисобланади.
Азиз Бояров
Изоҳ (0)