Туркманистон ўз табиий газини учинчи давлатларга своп операциялари орқали реэкспорт қилиш соҳасида Эрон билан ҳамкорликни сезиларли даражада кенгайтиришга тайёр. Бу ҳақда Туркманистон ташқи ишлар вазири Рашид Мередовга таяниб, “ТАСС” хабар берди.
“Ҳозирда газ соҳасида Туркманистон табиий газини учинчи давлатларга етказиб бериш имконини берувчи своп схемаси бўйича қўшма ишлар олиб борилмоқда. Туркманистон томони бундай ҳамкорликни сезиларли даражада кенгайтиришга тайёр”.
Мутахассисларнинг “Дарё”га маълум қилишича, Туркманистон 2022 йил бошидан Эрон орқали Озарбайжонга газ етказиб бермоқда. Ушбу схема миллий газ ресурсларидан узоқда жойлашган Разавий, Шимолий ва Жанубий Хуросон, Гулистон ва Семнан каби Эрон вилоятларини табиий газ билан таъминлашга ёрдам беради.
Ироқ ҳам шунга ўхшаш схемани қўлламоқчи, у Эрон билан йилига 9 миллиард куб метргача туркман газини етказиб бериш бўйича музокаралар олиб бормоқда.
Азиз Бояров
Изоҳ (0)