Туркия Яқин Шарқдаги вазият бўйича тинчлик конференцияси ўтказишга ва можарони ҳал этишда кафил давлат сифатида ҳаракат қилишга тайёр.
Бу ҳақда Туркия президенти Ражаб Тоййиб Эрдўғон Қатарга ташрифи якунида журналистларга маълум қилди.
Унинг сўзларига кўра, агар АҚШ бошчилигидаги Ғарб давлатлари Исроилни қўллаб-қувватламаганида, минтақада бундай вазият юзага келмасди.
Исроилнинг разведка хизматлари бутун дунё бўйлаб, жумладан, Туркияда ҳам ҲАМАС етакчиларини кузатиб бориш ва йўқ қилишга ҳозирлик кўраётгани ҳақидаги сўнгги баёнотига изоҳ берар экан, Эрдўғон “Агар улар Туркияда бундай қадам ташлашга журъат эца, бу уларга жуда қимматга тушади” дея таъкидлади.
Аввалроқ Эрдўғон Фаластин муаммосини ҳал қилиш йўли икки давлатни ҳам тан олиш эканини таъкидлаб, Шарқий Қуддус Фаластин пойтахти бўлиши лозимлигини айтганди.
Изоҳ (0)