Ўзбекистонда йил бошидан буён ҳуқуқ-тартибот органлари томонидан ўтказилган назорат тадбирларида 26 та ноқонуний майнинг ферма фош қилинди. Бу ҳақда Бош прокуратура матбуот хизмати хабар берди.
Маълум қилинишича, мазкур ҳолатларда 58,2 миллиард сўмга тенг бўлган 29 миллион киловаттли ёки 145 мингта хонадоннинг бир ойлик истеъмол эҳтиёжи учун зарур бўлган электр энергиясини ўғирлаш орқали майнинг фаолиятини амалга оширишган.
Бунинг оқибатида 29 кишига нисбатан Жиноят кодексининг 169-моддаси (ўғрилик) тегишли қисми билан жиноят ишлари қўзғатилиб, улар процессуал тартибда ушланган.
Майнинг фаолияти билан ноқонуний шуғулланиб, энергия ресурсларини жуда кўп миқдорда талон-торож қилишга Жиноят кодексининг 169-моддаси 4-қисми билан жиноят иши қўзатилиши ҳамда 8 йилдан 15 йилгача озодликдан маҳрум қилиш билан жазо тайинланиши мумкин.
Давлат томонидан етказиб берилаётган электр ва табиий газдан ноқонуний фойдаланаётган истеъмолчилар, шу жумладан, ноқонуний майнинг фаолияти юзасидан ҳуқуқ-тартибот органлари томонидан назорат тадбирлари давом этмоқда.
Изоҳ (0)