Қозоғистоннинг Олмаота шаҳрида интим хизматлар кўрсатиш билан шуғулланган ўзбекистонликлар қўлга олинди. Бу ҳақда мамлакат ИИВ матбуот хизмати хабар берди.
Маълум қилинишича, Олмаота шаҳридаги меҳмонхоналардан бирида ўтказилган тезкор-профилактика тадбирида ички ишлар ходимлари томонидан интим хизматлар кўрсатувчи қизлар аниқланган. Қўлга олинганлар орасида икки нафар Ўзбекистон фуқароси ҳам бор.
“Полиция департаменти қабулхонасига шахсини тасдиқловчи ҳужжатлари бўлмаган хорижлик аёллар жойлаштирилади. Миграция қонунчилигини бузганлиги учун жавобгарликка тортиш, суд ва Қозоғистондан депортация қилиш ишлари олиб борилади”, — дейилади хабарда.
Аввалроқ Қозоғистоннинг Олмаота шаҳрида ўтказилган тезкор тадбирлар давомида фоҳишалик билан шуғулланиб келган Ўзбекистон ва Қирғизистон фуқаролари қўлга олинганди. Сентябрь ўрталарида Қозоғистоннинг Атирау вилоятида 1998 йилда туғилган синглисини фоҳишаликка жалб қилган Ўзбекистон фуқароси аниқланган эди.
Изоҳ (0)