Qozog‘istonning Olmaota shahrida intim xizmatlar ko‘rsatish bilan shug‘ullangan o‘zbekistonliklar qo‘lga olindi. Bu haqda mamlakat IIV matbuot xizmati xabar berdi.
Maʼlum qilinishicha, Olmaota shahridagi mehmonxonalardan birida o‘tkazilgan tezkor-profilaktika tadbirida ichki ishlar xodimlari tomonidan intim xizmatlar ko‘rsatuvchi qizlar aniqlangan. Qo‘lga olinganlar orasida ikki nafar O‘zbekiston fuqarosi ham bor.
“Politsiya departamenti qabulxonasiga shaxsini tasdiqlovchi hujjatlari bo‘lmagan xorijlik ayollar joylashtiriladi. Migratsiya qonunchiligini buzganligi uchun javobgarlikka tortish, sud va Qozog‘istondan deportatsiya qilish ishlari olib boriladi”, — deyiladi xabarda.
Avvalroq Qozog‘istonning Olmaota shahrida o‘tkazilgan tezkor tadbirlar davomida fohishalik bilan shug‘ullanib kelgan O‘zbekiston va Qirg‘iziston fuqarolari qo‘lga olingandi. Sentyabr o‘rtalarida Qozog‘istonning Atirau viloyatida 1998-yilda tug‘ilgan singlisini fohishalikka jalb qilgan O‘zbekiston fuqarosi aniqlangan edi.
Izoh (0)