Тошкент шаҳар Миробод туманида мажбурий бадал ва ижара учун ундирилган маблағни ўзлаштирган ширкат аниқланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги департаментнинг Миробод туман бўлими томонидан ўтказилган терговга қадар текширувда аниқланган. “М.А.” уй-жой мулкдорлари ширкати собиқ раҳбари О.Д. ушбу ширкатга бириктирилган кўп қаватли уйларда яшовчи аҳолидан мажбурий бадал учун ундирилган 101,1 миллион сўм нақд пулларни ҳамда ижарага берилган кўп қаватли уйлар ертўласи учун тўлов қилинган 217 миллион сўмни кирим қилмасдан, ўзлаштириш йўли билан талон-торож қилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)