НАТО бош котиби Йенс Столтенберг Украина Шимолий Атлантика альянсига қўшилиш учун ҳар қачонгидан ҳам яқинроқ эканини айтди.
Унинг таъкидлашича, НАТО давлатлари Украинага зарур ислоҳотларни амалга оширишда ёрдам беришда давом этади, шундан сўнг у альянснинг тўлиқ аъзоси бўла олади.
“Украинанинг келажаги НАТОда. Вильнюсдаги саммитда иттифоқчилар Украинага Совет эпохасидан НАТО жиҳозлари ва стандартларига ўтиш, шунингдек, ҳарбий ҳамкорликни таъминлашга доир кўп йиллик дастур бўйича келишиб олдилар. Украина энди НАТОга ҳар қачонгидан ҳам яқинроқ ва биз уни аъзолик йўлида зарур ислоҳотларни амалга оширишда қўллаб-қувватлашда давом этамиз”, — деди Столтенберг Венгриянинг Индех нашрига берган интервьюсида.
Йенс Столтенберг Украина томонининг альянсга қўшилиши билан боғлиқ муаммоларни ҳал қилиш учун махсус платформа – Украина—НАТО кенгаши яратилганини таъкидлади.
“Иттифоқчилар, шунингдек, аъзолик бўйича ҳаракатлар режасини Украинанинг НАТОга қўшилиш жараёнидан чиқариб ташлашга келишиб олди, бу икки босқичли жараённи бир босқичга айлантирди”, — деди у.
Изоҳ (0)