“Агар Путин ва Россия қуролларини ташласа, тинчлик ўрнатилади” — Столтенберг

НАТО бош котиби Йенс Столтенберг Россиянинг Украинага қарши уруши узоқ давом этиши мумкинлигини айтди. Бу ҳақда Spiegel хабар берди.

Столтенберг тез орада тинчликка эришиш истагига қарамай, агар Украина урушни тўхтаца, мамлакат йўқ бўлиб кетишини таъкидлади. 

“Кўпчилик урушлар бошланган пайтдан кўра кўпроқ давом этади, шунинг учун биз Украинада узоқ давом этадиган урушга тайёр бўлишимиз керак. Ҳаммамиз имкон қадар тезроқ тинчликка эришилишини хоҳлаймиз.

Шу билан бирга, тан олишимиз керакки, агар президент Владимир Зеленский ва украиналиклар урушни тўхтаца, уларнинг мамлакати мавжуд бўлмайди. Агар президент Владимир Путин ва Россия қуролларини ташласа, тинчлик ўрнатилади”, — деди НАТО бош котиби.

Йенс Столтенберг Шимолий Атлантика альянси давлатларининг сиёсати ўзгармаслиги ва улар Украинага конфликт тугагунча ёрдам бериш ниятидалигини бир неча бор таъкидлаган. 30 га яқин давлат Украинага икки томонлама асосда хавфсизлик кафолатларини беришга тайёр.

Тегишли келишувлар Украинанинг НАТОга қўшилишидан олдин вақтинчалик ечим бўлиши кўзда тутилган. Украина президенти 2022 йил 30 сентябрда НАТОга аъзо бўлиш учун ариза топширди. 11 июль куни блок давлатлари аъзолик ҳаракат режасини амалга оширишни бекор қилиш орқали Украинанинг НАТОга аъзо бўлиш йўлини соддалаштиришга қарор қилди.