Финляндия ҳукумати 30 ноябрдан 13 декабргача Россия билан барча қуруқликдаги чегара ўтиш пунктларини бутунлай ёпишга қарор қилди. Бу ҳақда бош вазир Петтери Орпога таяниб, “Интерфакс” хабар берди.
Унинг сўзларига кўра, Хельсинки назорат-ўтказиш пунктининг қисқа муддатга ва тўлиқ ёпилиши Россия ҳудудидан Финляндияга миграция оқими муаммосини ҳал қилишда самарали бўлади.
“Мақсад — Россия билан чегарадаги вазиятни имкон қадар тезроқ нормаллаштириш”, — деди у.
18 ноябрь куни Финляндия 18 февралгача Россия билан тўртта чегара назорат пунктларини ёпиб қўйди. Ҳукумат мигрантлар оқими туфайли 23 декабргача яна учта назорат-ўтказиш пунктини ёпишга қарор қилди ва фақат битта Рая-Йоосеппи пунктини очиқ қолдирди.
Финляндия Россия билан чегарадаги вазиятни муҳокама қилиш ниятида эмаслигини, бироқ Хельсинкида улар дипломатик даражадаги музокараларга тайёр эканини билдирди.
Изоҳ (0)