ҲАМАС Исроил билан гуманитар сулҳни узайтиришга рози бўлди. Бу ҳақда Фаластин ҳаракатига таяниб, “РИА Новости” хабар берди.
“Қатар ва Мисрдаги биродарларимиз билан худди шу шартлар остида вақтинчалик гуманитар сулҳни яна икки кунга узайтириш бўйича келишувга эришилди”, — дейилади баёнотда.
Миср давлат ахборот хизмати раҳбари Дия Рашванга кўра, агар гуманитар сулҳ узайтирилса, ҲАМАС 60 нафар фаластинлик маҳбус эвазига яна 20 нафар исроиллик гаровга олинганларни озод қилиши мумкин.
24 ноябрь, жума куни Ғазо секторида Қатар воситачилигида Исроил ва ҲАМАС ўртасидаги келишув доирасида ўт очишни тўхтатиш келишуви кучга кирди. Сулҳ ўн кундан ортиқ давом этмаслиги мумкин.
Дастлабки уч кун ичида ҲАМАС 50 кун асирликда бўлган 40 нафар исроиллик ва 18 нафар хорижликни озод қилди. Бу вақт ичида яҳудий давлати 117 нафар фаластинлик маҳбусни озод қилди. Айни дамда томонлар гаровга олинган исроилликларнинг тўртинчи гуруҳини қайтариш бўйича музокаралар олиб бормоқда.
Жами 200 дан ортиқ одам ҲАМАС гаровида бўлиши мумкин. Исроил расмийлари сулҳ тугаганидан кейин армия ҲАМАСни йўқ қилиш саъй-ҳаракатларини давом эттиришини бир неча бор таъкидлаган.
Изоҳ (0)