ҲАМАС томонидан озод қилинган исроиллик гаровга олинганлар қандай шароитда яшаганлари ҳақида гапириб берди. Бу ҳақда BBC хабар берди.
![](/static/2023/photo_2023-11-27_19-35-59.jpg)
Уларнинг сўзларига кўра, барча гаровга олинганлар гуруҳларга бўлинган ва ҳар бир гуруҳнинг ўзига хос яшаш шароити бўлган. Улардан бири деярли бутун асирлик вақтини ер остидаги туннелда ўтказган, у ерда озиқ-овқат кам бўлиб, кундузи деярли ёруғлик бўлмаган.
Бу гуруҳдаги гаровга олинганларнинг айтишича, сўнгги икки ҳафта давомида ягона таом гуруч бўлган. Бошқалар қуруқликдаги бошпаналарда яшаган; уларнинг шароитлари яхшироқ бўлган, лекин Исроил ҳаво ҳужумлари хавфи юқори эди.
Озод қилинганларнинг айримлари Исроил матбуотидаги хабарларни кузатган. Мисол учун, 9 ёшли Оҳад Мондар Исроил телеканалларидан бирида унинг номига туғилган кун табрикларини эшитган.