ҲАМАС гуруҳининг ҳарбий қаноти Ал-Қассам бригадаси исроиллик гаровга олинганларнинг иккинчи гуруҳини озод қилишни кечиктирди. Бу ҳақда у ўзининг Telegram каналида маълум қилди.
Маълум қилинишича, иккинчи гуруҳ маҳбуслар Исроил ҳукумати Ғазо секторининг шимолий қисмига гуманитар ёрдам олиб келган юк машиналарини киритиш бўйича келишув шартларини бажарганидан сўнг озод этилади.
Аввалроқ Исроил мудофаа кучлари матбуот котиби Рафаэл Рафовитс ҲАМАС Исроил қамоқхоналарида сақланаётган 39 нафар фаластинлик эвазига 13 кишини озод қилишини айтган эди.
Изоҳ (0)