Футбол бўйича Ўзбекистон терма жамоаси 21 ноябрь, сешанба куни ЖЧ—2026 саралаши доирасида Эронга қарши майдонга тушди. Учрашув 2:2 ҳисоби билан якунланди.
Ўйиндан сўнг терма жамоа бош мураббийи Сречко Катанец иштирокида матбуот анжумани бўлиб ўтди.
Бугунги ўйиндаги камбекдан хурсанд бўлдим. Бундай ўйинларда камбек қилиш жуда қийин кечади. Эронга қарши характер кўрсата олдик деб ўйлайман. Биринчи бўлимдан қониқиш ҳосил қилмадим. Чунки биринчи бўлимда деярли ўйнамадик. Иккита голни ҳам ўзимиз ўзимизга олиб келдик. Бундай даражадаги ўйинларда рақибга имконият берсангиз, улар имкониятдан фойдаланиб кета олади.
Ҳисобни 2:2 га ўзгартириш, менимча, позитив ҳолат.
Танаффус вақтида шогирдларига нима дегани ҳақида
Танаффусда футболчиларимдан рақибдан қўрқаяпсизларми, деб сўрадим. Уларга рақибларга яқинроқ ўйнаш кераклигини, тўпни янада кўпроқ ҳаракатлантириш лозимлигини айтдим.
Сўнгги икки ўйиндаги хатолардан чиқарилган хулосалар ҳақида
Бугунги ўйиндан қониқиш ҳосил қилдим. Футболчиларнинг менталитети, бугунги ўйинга реакцияси мени хурсанд қилди. Саралашда 6 та ўйин бўлади, олинадиган ҳар бир очко муҳим. Бугун биринчи бўлимдан сўнг ҳисобда 0:3, 0:4 бўлиб кетиши мумкин эди. Лекин футболчилар ҳаракат қилди, характер кўрсатди.
Нимани ўзгартирсам бўлади? Футболчилар клубларида ўйин амалиётига кўпроқ эга бўлишини хоҳлардим. Жуда яхши футболчилар, Ашурматов, Алиқулов, Шомуродовларни кўришимиз мумкин. Улар ўз клубида янада кўпроқ ўйнаса, ҳозирги потенциал идан-да юқори ўйин кўрсата олади.
Ўйин услубида янада ўсишимиз керак.
Ёш ўйинчиларга имконият берилмаётгани ҳақида
Босқичма-босқич уларга имконият берилади. Ҳусановни илк дақиқадан майдонга тушириш керакми? Абдуқодирнинг потенциал и юқори, лекин у клубида ўйнамаяпти. Терма жамоада бир-иккита машғулот ўтказилади. Шунинг учун ёшларни бошиданоқ ўйинга тушириб юбора олмаймиз. Уларни секин-секин ўйин амалиёти бериб бориш режамизда бор.
Сречко Катанец, Ўзбекистон терма жамоаси бош мураббийи
Изоҳ (0)