“Толибон” матбуот котиби Забиҳуллоҳ Мужоҳид Покистон билан алоқаларни яхшилаш шартини айтди. Бу ҳақда Sputnik Афғонистон хабар берди.
Мужоҳид Афғонистон ва Покистон ўртасидаги муносабатлар Покистонда ҳушёр раҳбарият бўлганда яхшиланишини айтди. Бунга Покистон муваққат бош вазири Анвар ул-Ҳақ Какарнинг сўнгги баёноти сабаб бўлди. Жумладан, Какар “Кобулда қонуний ҳукумат мавжуд бўлганда” Афғонистон билан боғлиқ муаммолар қисқаришини айтганди. У Афғонистонга сўнгги йигирма йил ичида миллиардлаб доллар сармоя киритилган бўлса-да, кучли марказий ҳукумат тузилмаганини билдирган.
Бироқ Забиҳуллоҳ Мужоҳид бунга жавобан BBC билан суҳбатда “Афғонистонда одамлар ёнма-ён турадиган ҳуқуқий тизим бор”, деган. У “Толибон” барча давлатлар, хусусан, Покистон билан яхши муносабатларга эга бўлишни хоҳлашини қўшимча қилган.
“Толибон” ҳаракати ва Покистон ўртасидаги кескинлик Покистонда муваққат ҳукумат ўрнатилгандан кейин кўпайди.
Изоҳ (0)