1 апрелгача Туркистон ва Қизилўрда вилоятларига 11 куб километрдан ортиқ сув оқиб ўтади. Қозоғистон Ўзбекистон, Туркманистон ва Тожикистон билан протокол имзолади. Бу ҳақда Оrda.kz хабар берди.
Қўшни давлатлар билан Қозоғистон сув хўжалиги ва ирригация вазири Нуржон Нуржигитов томонидан келишувга эришилган.
1 апрелга қадар Шардара сув омборига 11,1 куб километр сув қуйилиши, “Дўстлик” давлатлараро канали орқали кутилаётган сув олиш ҳажми 487 миллион куб метрни ташкил этиши прогноз қилинмоқда. Бу Туркистон ва Қизилўрда вилоятларида 2024 йилги вегетация даври учун зарур бўлган сув ҳажмини жамғариш, шунингдек, Орол денгизига 1,6 миллиард куб метр сув етказиб бериш имконини беради, — дейди вазирлик.
Тошкентда Давлатлараро мувофиқлаштирувчи сув комиссиясининг 85-йиғилишида тегишли муҳокамалар бўлиб ўтган, унинг доирасида Қозоғистон, Тожикистон, Туркманистон ва Ўзбекистон Сирдарё ва Амударёдаги сув омборлари каскади фаолиятининг прогноз режими тўғрисидаги протоколни имзолаган.
Учрашувда томонлар 2023–2024 йиллардаги вегетация мавсуми учун сув олиш лимитларини тасдиқлаган.
–“Давлатлараро мувофиқлаштирувчи сув комиссиясининг йиғилиши самарали бўлди. Минтақа учун жуда муҳим бўлган муаммоларни тезда ҳал қилишга муваффақ бўлдик. Масалан, Сирдарё ва Амударёдан сув олиш ҳажмларини келишиш. Фақат биргаликдаги саъй-ҳаракатлар орқали биз Марказий Осиёда сув ресурсларидан оқилона фойдаланиш ва тежашни таъминлай оламиз”, — деди Қозоғистон сув хўжалиги ва ирригация вазири Нуржан Нуржигитов.
Изоҳ (0)