Қирғизистон Хитой, Европа ва Осиё мамлакатларига сув экспорт қилмоқчи. Бу ҳақда Республикаси Вазирлар Маҳкамаси раҳбари Оқилбек Жапаровга таяниб, 24.kg хабар берди.
Қирғизистон бош вазири Шинжон-Уйғур автоном вилоятига ташриф буюриб, у ерда Qingdao Laoshan Mineral Water Cо., Ltd компанияси бошқаруви раиси Ваном Да билан учрашган.
Жапаров мамлакат сув ресурсларининг амалга оширилмаган салоҳиятини қайд этиб, икки томонлама ҳамкорликнинг барча йўналишларида ёрдам кўрсатишга тайёрлигини айтган.
“Биз музликлар манбаида турибмиз ва Хитой, Европа ҳамда Осиё мамлакатларига экологик тоза ичимлик сувини экспорт қилишга тайёрмиз. Бизга Лаошан каби компаниялар тажрибаси керак”, — деган у.
Қирғизистон Қозоғистонга суғориш суви етказиб беришни тўхтатди
Сўнгги пайтларда Қозоғистоннинг Жамбил вилоятининг бир қатор туманлари суғориш суви танқислигига дуч келди. Киров сув омборидан (Қирғизистон) танқислиги туфайли Жамбилдаги 4 минг гектарга яқин пиёз ва қанд лавлаги хавф остида қолди.
Бундан ташқари, сув йўқлиги сабабли бир қанча қишлоқ туманлари суғоришдан узилди. Қозоғистон Экология вазири ўринбосари Ғалидулла Азидуллин йил сайин сув тақчиллиги кучайиб бораётганини таъкидлади.
Шундан сўнг Қирғизистон Қишлоқ хўжалиги вазирлиги Қозоғистон билан сув тақсимоти ҳар йили вегетация бошланишидан олдин ишлаб чиқиладиган сувни тортиб олиш графигига мувофиқ амалга оширилаётганини тушунтирди.
Бироқ 2023 йилда сув миқдори камлиги билан боғлиқ мавжуд вазиятни ҳисобга олган ҳолда график фақат июнь ойида келишиб олинди ва тасдиқланди.
Жамбил вилояти фермерлари суғориш суви таъминотидаги муаммолар туфайли вилоятда фавқулодда режим жорий этишни сўради. Фермерлар катта зарар кўраётгани қайд этилди.
Изоҳ (0)