Bloomberg Европа Иттифоқининг Россия Федерациясига қарши санкцияларининг 12-пакети тафсилотларини ошкор қилди.
Маълум қилинишича, суюқ пропан, қуйма темир, мис ва алюминий симлар, фолга ва қувурлар импортига нисбатан санкциялар жорий этиш таклиф қилинмоқда. Агар пакет маъқулланса, рўйхатга савдо алоқалари чекланган 30 дан ортиқ компаниялар, жумладан Қозоғистон, Ўзбекистон, Сингапур фирмалари ва Россиянинг бир қанча инжиниринг компаниялари киради.
Reutersънинг ёзишича, Европа Иттифоқи Россияга қарши санкцияларнинг 12-пакети доирасида 47 киши ва 72 юридик шахсга нисбатан чекловлар жорий этишни таклиф қилмоқда. Уларнинг Евроиттифоққа кириши тақиқланади ва Европадаги активлари музлатилади.
Шунингдек, Евроиттифоқ Россия нефтининг баррелига 60 долларгача юқори нарх белгилаш чораларини кучайтиришни режалаштирмоқда.
Изоҳ (0)