Россия энди Қора денгиздан дунёнинг бошқа минтақаларини беқарорлаштириш учун трамплин сифатида фойдалана олмайди. Бу ҳақда Украина президенти Владимир Зеленский Қора денгиз иқтисодий ҳамкорлик ташкилоти Парламент ассамблеяси саммитидаги нутқида айтиб ўтди.
Украина давлати раҳбари Қора денгиз минтақаси давлатлари вакилларига мурожаат қилар экан, бугун дунё Қора денгизнинг аҳамиятини тушуниб етганини таъкидлади. Унинг сўзларига кўра, глобал хавфсизлик асосларидан бири айнан шу ердан бошланади.
“Бизнинг халқларимиз, мамлакатларимиз ҳамкорларимиз билан биргаликда бундай хавфсизликнинг кафолати ҳисобланади. Биз бутун дунё барқарорлигини оширишга, тинчликни мустаҳкамлашга қодирмиз. Россиянинг Қора денгиздаги тажовузкорлиги халқаро тартибга қарши тажовузкорликка айланди”, — деди Зеленский.
Унинг қўшимча қилишича, айнан шу ерда Россия йиллар давомида Украина Қримидаги ҳарбий таянчларидан турли халқларнинг нормал ҳаётига путур етказиш учун фойдаланган.
Изоҳ (0)