Германия бўйлаб юзлаб полициячилар Эрон томонидан қўллаб-қувватланган “Ҳизбуллоҳ” шиа гуруҳига алоқадорларни қидириб, ислом марказларида рейдлар ўтказди. Бу ҳақда BBC хабар берди.
Германия ички ишлар вазирлиги етти федерал штатдаги Ислом марказига алоқадор 54 та жойда тинтув ўтказаётганини маълум қилди. Полиция операцияси Яқин Шарқдаги вазият фонида Германияда антисемитизм кучайишини тўхтатиш ҳаракатлари доирасида амалга оширилмоқда.
“Биз исломий саҳнани кузатувимиздан четда қолдирмаймиз. Кўпчилик яҳудийлар ўзларини хавф остида ҳис қилаётган бир пайтда, Германия исломий тарғибот ёки Исроилга қарши душманлик антисемитизм ғояларига тоқат қилмайди”, — деди ички ишлар вазири Ненси Фесер.
Гамбург Ислом маркази аллақачон немис ички разведкаси назорати остида ва Ички ишлар вазирлигига кўра, унинг фаолияти “Эрон олий раҳбарларининг инқилобий концепциясини тарқатишга қаратилган бўлиб, у гўёки Германиянинг конституциявий тартибини бузади”.
Рейдлар Гамбург маркази ва унга алоқадор бошқа гуруҳлар “Ҳизбуллоҳ”ни қўллаб-қувватлагани бўйича далиллар тўплаш учун ўтказилган. Ҳозирча рейдлар чоғида ҳибсга олинганлар бор-йўқлиги ҳақида маълумот йўқ.
Изоҳ (0)