АҚШ ва Хитой ҳарбий идоралари “тенглик ва ўзаро ҳурмат асосида” тўғридан-тўғри алоқаларни тиклайди. Бу ҳақда икки давлат раҳбарлари Жо Байден ва Си Цзиньпин 16 ноябрь куни Сан-Францискода бўлиб ўтган суҳбати давомида келишди.
Sinxua агентлигининг хабар беришича, ҳарбий алоқалар Хитой ва АҚШ Мудофаа вазирликлари ўртасидаги ишчи учрашувлар, икки давлат денгиз ҳарбий хавфсизлиги бўйича маслаҳатлашув учрашувлари ва турли даражадаги телефон суҳбатларини ҳам ўз ичига олади.
Икки давлат ўртасидаги бу алоқалар 2023 йил февралида АҚШ ўз ҳудудида Хитой аэростатини уриб туширгандан сўнг узилган эди. Шундан сўнг Хитой АҚШ ҳарбий раҳбарларининг хитойлик ҳамкасблари билан телефон орқали боғланишга бўлган такрорий уринишларини рад этганди.
Ушрашув давомида Си Цзиньпин АҚШни санкцияларни бекор қилишга ва Тайванга қурол етказиб бермасликка ҳам чақирди.
“Умид қиламизки, Америка томони Хитойнинг хавотирига жиддий қарайди, бир томонлама санкцияларни олиб ташлаш бўйича чора кўради ҳамда Хитой компаниялари учун адолатли ва камситмайдиган муҳитни таъминлайди”, — деган Си Цзиньпин.
Жо Байден эса Хитой раиси Исроил ва Ғазо секторида ҲАМАС гуруҳи ўртасидаги урушга Теҳрон ва у қўллаб-қувватлаётган ташкилотларнинг эҳтимолий аралашуви олдини олиш учун Эронга ўз таъсиридан фойдаланишга чақирди.
Изоҳ (0)