Ўзбекистонлик боксчи Баҳодир Жалолов Олександр Усик ҳамда Тайсон Фьюри ўртасидаги мутлақ чемпионлик жангига муносабат билдирди.
“Икки-уч жангдан кейин биз ҳам катта жангларда чиқамиз. Агар ўшанда Тайсон Фьюри ёки Олександр Усик фаолиятини якунламаса, улар билан ҳам рингга кўтарилишим мумкин. Улар билан жанг қилишни жуда ҳам хоҳлардим.
Яқинда уларнинг мутлақ чемпионлик жанги бўлиб ўтади. Менимча, ўша жангда Усик ғалаба қозонади. Албатта, бу бокс. Битта зарба ҳамма нарсани ҳал қилиши мумкин. Иккаласига ҳам омад тилайман”, — дейди Баҳодир.
Эслатиб ўтамиз, супер оғир вазн тоифасида WBA Супер, IBF, WBO ва IBO камарлари соҳиби Олександр Усик ва WBC чемпиони Тайсон Фьюри ўртасида мутлақ Жаҳон чемпионлиги учун жанг 2024 йил 17 февралда бўлиб ўтади. Катта бокс оқмоши Саудия Арабистонининг Ар-Риёд шаҳрида ўтказилади.
Дастлаб, жанг 23 декабрда бўлиб ўтиши айтилганди. Бироқ, Тайсоннинг вакиллари жанг санаси ўзгаришини маълум қилганди.
Изоҳ (0)