Ўзбекистонлик боксчи Баҳодир Жалолов супер оғир вазн тоифасида WBA Супер, IBF, WBO ва IBO камарлари соҳиби Олександр Усик билан кўришди.
“Бутун Ўзбекистон ушбу жангни кутаётганини биламан, агар ҳаммаси менга боғлиқ бўлганида, эртагаёқ рингга кўтарилардим. Биз бутун дунёга классик боксни намойиш этардик. Сенга омад, чемпион”, — деб ёзган Баҳодир ўз Twitter саҳифасида.
Аввалроқ Жалолов нигериялик Онориоде Эҳвериэмени мағлуб этиб, профессионал боксдаги 13-ғалабасини қўлга киритгач, промоутер Боб Арумга (Top Rank) Усикми, Жошуами, исталган рақибга қарши жанг қилишга тайёрлигини айтганди.
Изоҳ (0)