Нью-Деҳлида транспорт чекловлари душанба кунидан бошлаб бир ҳафта давомида кучга киради. Ҳиндистон пойтахти расмийлари шу тариқа ҳаво ифлосланишига қарши курашмоқчи.
Душанба, чоршанба, жума ва якшанба кунлари йўлларда фақат давлат рақамлари тоқ сон билан тугайдиган автомобиллар ҳаракатланиши мумкин. Рақамлари жуфт сон билан тугайдиганлар учун рухсат этилган кунлар эса сешанба, пайшанба ва шанба.
Мутахассисларнинг ҳисоб-китобларига кўра, бу бир ҳафта давомида деярли 10 миллион кишининг ҳаётини қийинлаштиради. Транспорт соҳаси ҳам катта зарар кўради. 50 миллион тоннадан ортиқ юк ўз вақтида етказиб берилмайди.
IQ Air индекси бўйича, Нью Деҳли дунёдаги ҳавоси энг ифлос шаҳарлар рейтингида 2-ўринда бормоқда.
Изоҳ (0)