Кино саноатида образи ишонарли чиқиши учун ташқи кўринишига зарар етказиб қўйиш ҳоллари кўп учрайди, айниқса сочлар кўп шикастланади.
Эмилия Кларк — “Тахтлар ўйини”
Фильмнинг дастлабки етти фаслида Эмилия Кларк парик кийган, бу ажабланарли эмас, чунки Дейнериснинг мукаммал соч турмагига эришиш учун Эмилия соатлаб ўтириши керак эди. Аммо сўнгги мавсумда Эмилия бу тажрибадан воз кечишга қарор қилади ва сочини бўяшга рози бўлади. Бу нотўғри қарор бўлиб чиқди, чунки унинг сочлари шунчалик шикастланганки, иягигача кестиришга мажбур бўлади.
Софи Тёрнер — “Тахтлар ўйини”
Софи Тёрнер билан ҳам нохуш ҳолат юз беради — икки марта. Биринчидан, Санса Рамсидан қочиб кетган кадрлари суратга олинаётганда Софи бир неча ой давомида сочини ювмайди. Софи совуқ шимол бўйлаб саёҳат қилаётган ва ювинишнинг имкони бўлмаган қизни реал тасвирлаш учун кир сочлари билан юради. Иккинчидан, Софи охирги мавсумгача ҳеч қачон парик киймаган. Тёрнер бир неча йил давомида сариқ сочларини қизил рангга бўяйди. Бироқ бу сочларининг шикастланишига олиб келади, сочи тўкилиб кетмаслиги учун охирги мавсумда парик кийишга мажбур бўлади.
Кира Найтли — кўплаб фильмларда
Асли жигарранг сочли Кира Найтли фаолияти давомида сочини 10 мартадан кўп бўяган. У роллари ишонарли чиқиши учун шундай қилганди. Аммо 2011 йилдан бери Кира бу тажрибани бошқа такрорламасликка қарор қилди, чунки унинг сочлари том маънода тўкилиб туша бошлади. Шундан бери Найтли парикдан фойдаланади.
Ариана Гранде – “Виктория ғолиб”
Ариана Гранде нафақат таниқли қўшиқчи, балки “Виктория ғолиб” телесериали туфайли машҳур бўлган актрисадир. Шу роли сабаб у бир неча йил давомида ҳар икки ҳафтада бир сочларини оқартириб, қизил рангга бўяйди. Ариана кейинчалик бу жараён сочларини шикастлаганини тан олади, натижада ҳаддан ташқари кўп тўкилган сочларини яшириш учун от думи турмагидан фойдаланишга мажбур бўлади.
Милла Ёвович – “Бешинчи элемент”
Жигарранг сочли Милла Ёвович фаолияти бошида Брюс Уиллис билан ўйнаган “Бешинчи элемент” фильми учун сочларини тўқ сариқ рангга бўяшга мажбур бўлади. Мунтазам кимёвий бўёқлар туфайли Милланинг сочлари тўп-тўп бўлиб туша бошлайди. Бир неча ҳафта ўтгач эса сочининг фақат ярми қолади, шунинг учун сочлари бутунлай тўкилиб кетмасидан аввал парикка ўтади.
Изоҳ (0)