Россиянинг Тула шаҳрига ишлашга кетган ўзбекистонлик фуқаро вафот этди. Бу ҳақда Ташқи меҳнат миграцияси агентлиги ахборот хизмати хабар берди.
Хабарга кўра, Ташқи меҳнат миграцияси агентлигининг Россиядаги вакиллари ҳудудларидаги турли корхоналарда бўлиб, иш берувчилар ва меҳнат мигрантлари билан учрашувлар ўтказди. Бошқирдистондаги “Автопласт”, Ленинграддаги “Старая деревня” ва Туладаги корхоналарда ишлаётган юртдошлар ҳамда уларнинг иш берувчилари билан учрашувлар ташкил этилди.
Учрашувда хорижий ишчи кучига эҳтиёжи мавжуд корхоналарга ташкилий тарзда Ўзбекистон фуқароларини ишга жалб қилиш имкониятлари тўғрисида фикр алмашилди. Меҳнат мигрантлари билан учрашувда Ўзбекистонда миграция соҳасида қабул қилинаётган янги қарор ва қонунчилик нормалари, чет элда меҳнат қилиш учун яратилаётган шароит ва қулайликлар тўғрисида маълумотлар берилди. Уларнинг яшаш ва иш шароитлари ўрганилди.
Шунингдек, Россиянинг Архangelsк шаҳрида ишлаётган фуқаронинг ишончсиз иш берувчидан ҳужжатлари олиб берилди. Тула шаҳрида вафот этган фуқарони Ўзбекистонга қайтарилишида ва иш берувчидан компенсация пули ундирилишида ёрдам кўрсатилди.
Изоҳ (0)