“Касаллигимни реклама қилишни истамайман”. Шоҳида Узоқова оғир дардни бошдан кечиргани ва ўғли ҳақида гапиришни истамаслиги ҳақида  

Таниқли актриса Шоҳида Узоқова “Омон-омон” кўрсатувига берган интервьюсида апрель ойида оғир касалликни бошдан кечиргани ҳақида сўзлаб берди.

“Мен ҳеч қачон касаллигимни реклама қилишни истамайман. Апрель ойида микро инфарктни бошдан кечирдим. Раҳматли Мурод Ражабов ётган шифохонада даволандим. Мурод ака ётган палатадан иккита наридаги хонада эдим. Мурод ака мен ётганимдан кейин беш кун ўтиб вафот этдилар. Аллоҳ раҳматига олган бўлсин. Инсон соғлиғи учун курашиши керак. Ўзига ўзи мен яхшиман, яхши бўлиб кетаман, дейиши керак”, — дейди актриса.

“Ўғлим ҳақида бериладиган саволларга жавоб бермайман, деганман ҳар доим. Бунинг сабаби она учун фарзандининг қилган кичкина иши ҳам катта ютуқдек туюлади. Она доим фарзандининг игнадек қилган ишидан ҳам фахрланади. Алишер Узоқов ташқарида актёр. Уйда балки унга хатоларини айтарман. Мен унга бошида айтганман, сен зўр эмассан, сендан зўрлари бор, деганман. Ўғлим ҳақида айтадиганларим шу. Биз интервьюларда бир-биримиз ҳақида гаплашмасликка келишганмиз”, — дейди актриса.