Футбол бўйича Осиё Чемпионлар Лигасининг 4-турида “Насаф” 6 ноябрь, душанба куни “Шаржа”га қарши баҳс олиб боради.
Учрашув олдидан жамоалар бош мураббийлари матбуот анжуманида иштирок этди.
Муҳим паллада турибмиз, ҳосилни йиғадиган пайт келяпти. Эртага бутун ўзбек халқини хурсанд қилиш учун ғалабани кўзлаб майдонга чиқамиз. Муҳаммадиев ва Эргашев жароҳат туфайли бизга ёрдам бера олишмайди. Аммо яхши хабар ҳам бор. Жигаури сафга қайтди.
Шаржада мағлубиятга муносиб эмасдик. Эртага қайд этиладиган натижа кейинги босқич чипталарига таъсир қилиши мумкин. Бу йигитларга ўзига хос иштиёқ ва куч беради.
Рўзиқул Бердиев, “Насаф” бош мураббийи
Қаршига 2 марта келяпман. “Насаф”ни яхши биламан, мухлислари қаршисида ажойиб ўйин кўрсатадиган жамоа.
Эртага Пьянич майдонга тушмайди. У жароҳатланган ва бизни жуда қийин баҳс кутиб турибди.
Космин Олаури, “Шаржа” бош мураббийи
Эслатиб ўтамиз, “Шаржа” B гуруҳи етакчиси ҳисобланади. Жамоа 3 турдан сўнг 7 очко жамғарган. “Насаф” эса 6 очко билан 2-ўринда бормоқда.
Изоҳ (0)