Суперлига. “Насаф” ўзида “Металлург”ни ишончли ҳисобда мағлуб этди, “Навбаҳор” “Сурхон” устидан қийин ғалабага эришди

Футбол бўйича Ўзбекистон Суперлигасининг 23-туридан ўрин олган икки ўйин 27 октябрь, жума куни бўлиб ўтди.

“Навбаҳор” сафарда “Сурхон” меҳмони бўлди. Учрашувнинг 2-дақиқасидаёқ ҳисоб очилди. Дониёр Абдуманнопов наманганликларни ҳисобда олдинга олиб чиқди. 58-дақиқада Суннатуллоҳ Ҳамиджонов мувозанатни тиклади. 82-дақиқада Остон Ўрунов “Навбаҳор”нинг иккинчи голига муаллифлик қилди. Қолган дақиқаларда гол урилмади ва Самвел Бабаян шогирдлари ғалаба қозонди.

“Навбаҳор” ушбу ғалабадан сўнг очколари сонини 43 тага етказди ва мусобақа жадвалининг 2-ўрнида бормоқда. “Сурхон” эса 31 очко билан 7-поғонадан жой олган.

“Насаф” ўз майдонида “Металлург”ни қабул қилди ва 2:0 ҳисобида зафар қучди. Қаршиликлар таркибида Ойбек Бозоров ва Суҳроб Нуруллоев гол муаллифларига айланди.

Қарши жамоаси 42 очко билан 3-ўринда бормоқда. “Металлург” 27 очко билан 9-ўринни эгаллаган. 

Суперлига

23-тур

27-октябрь, жума

“Сурхон” – “Навбаҳор” 1:2

Голлар: 0:1 — 2 Дониёр Абдуманнопов, 1:1 — 58 Суннатуллоҳ Ҳамиджонов, 1:2 — 82 Остон Ўрунов.

“Сурхон”: 1. Артём Потапов, 2. Бобур Асқаров, 3. Суннатуллоҳ Ҳамиджонов (9. Муҳаммад Али Абдураҳмонов, 82), 6. Артём Сокал, 7. Достонбек Турсунов, 8. Ҳумоюн Шербўтаев (17. Жаҳонгирбек Абдусаломов, 89), 10. Тамирлан Жамалутдинов, 15. Диёр Рамазонов, 18. Сильванус Нимели, 25. Беҳзод Шамсиев, 66. Беҳруз Шайдулов (5. Азизбек Пирмуҳаммадов, 82).

“Навбаҳор”: 1. Ўткир Юсупов, 5. Милош Милович, 6. Иброҳим Йўлдошев, 10. Жамшид Искандеров, 13. Филип Иванович, 14. Жамшид Болтабоев, 17. Аброр Исмоилов (4. Азимжон Аҳмедов, 78), 19. Дониёр Абдуманнопов, 21. Темурхўжа Абдухолиқов, 22. Игор Голбан, 77. Асадбек Собиржонов (7. Остон Ўрунов, 55).

Огоҳлантириш: Жаҳонгирбек Абдусаломов (90).

“Насаф” – “Металлург” 2:0

Голлар: 1:0 — 35 Ойбек Бозоров, 2:0 — 70 Суҳроб Нуруллоев.

“Насаф”: 35. Абдувоҳид Неъматов, 5. Ғолиб Ғайбуллаев, 7. Акмал Мозговой (19. Матеус Лима Круз, 86), 8. Зафармурод Абдираҳматов (21. Дониёр Нарзуллаев, 86), 9. Жавоҳир Сидиқов (88. Марко Станоевич, 71), 17. Суҳроб Нуруллоев, 34. Шерзод Насруллаев, 70. Жамбули Жигаури (18. Баҳром Абдураҳмонов, 71), 77. Ойбек Бозоров, 92. Умарбек Эшмуродов, 99. Азизбек Омонов (10. Андрес Чавес, 71).

“Металлург”: 87. Акмал Ортиқов, 3. Даниал Маҳини (20. Далер Шарипов, 63), 4. Керим Палич, 6. Худойшукур Сатторов, 9. Забиҳилло Ўринбоев (11. Дамир Темиров, 9 (21. Муҳаммадазиз Иброҳимов, 69), 14. Аброрбек Тошқўзиев, 15. Сардор Абдураимов, 17. Реза Яздан Дўст, 22. Шаҳзодбек Ғофурбеков, 23. Беҳруз Шодмонов, 77. Шаҳзодбек Убайдуллаев.

Огоҳлантиришлар: Дамир Темиров (18), Суҳроб Нуруллоев (45), Муҳаммадазиз Иброҳимов (88).