“Сумерки” фильми юлдузи Роберт Паттинсон тез орада ота бўлади. 37 ёшли актёр ва 31 ёшли актриса Сюки Уотерхаус айни кунларда ота-она бўлишга тайёргарлик кўрмоқдалар.
Актрисанинг ҳомиладор экани илк марта 2023 йилнинг 21 октябрь куни тахмин қилинган эди: шу куни Роб ва Сюки Лос-Анжелесда ўтказилган гала-оқшомга биргаликда ташриф буюришган. Уотерхаус оқшомга узун кўйлакда келган, суратга тушиш вақтида ундаги ёқимли ўзгаришни кўпчилик пайқаган.
Мухлисларнинг тахминлари кўп ўтмай ўз исботини топди: папарацилар юлдузли жуфтликни сайрга чиққан вақтларида суратга олишди ва Сюкининг ҳомиладор экани маълум бўлди.
Бу Роберт Паттинсоннинг ҳам, Сюки Уотерхауснинг ҳам илк фарзанди. Ижодкорлар 2018 йилдан буён бирга. Роберт актриса Кристен Стюарт, хонанда FKA Twigs билан муносабатларига нуқта қўйилгач, шахсий ҳаётига оид тафсилотларни оммага ошкор қилишдан тийила бошлаган. Шу боисдан ҳам Сюки Уотерхаус билан камдан-кам ҳолларда бирга кўриниш беради.
Изоҳ (0)