Қашқадарё вилоятида қиймати 125 млн сўмга яқин алкогол маҳсулотлари ноқонуний сотилаётгани аниқланди.
Маълумот берилишича, солиқ органлари томонидан Қашқадарё вилоятида ўтказилган назорат тадбирлари давомида жами 44 турдаги 8034 дона умумий қиймати 124,6 миллион сўмлик алкогол маҳсулотлари ноқонуний савдога қўйилгани аниқланди.
Хусусан, Шаҳрисабз шаҳридаги озиқ-овқат бозори атрофида жойлашган савдо нуқтасида 11 турдаги 3 683 дона жами 48 миллион 861 минг сўмлик, айни шу ҳудудда жойлашган навбатдаги дўконда 9 турдаги 2 616 дона жами 50 миллион 352 минг сўмлик қалбаки акциз маркали ҳамда маркировкаланмаган алкогол маҳсулотлари ноқонуний савдога қўйилгани аниқланиб, белгиланган тартибда вақтинча сақлаш учун олиб қўйилди.
Алкогол маҳсулотларининг ноқонуний савдоси юзасидан Жиззах, Хоразм, Навоий ҳамда Тошкент вилоятларида ҳам назорат тадбирлари ўтказилмоқда.
Изоҳ (0)