Qashqadaryo viloyatida qiymati 125 mln so‘mga yaqin alkogol mahsulotlari noqonuniy sotilayotgani aniqlandi.
Maʼlumot berilishicha, soliq organlari tomonidan Qashqadaryo viloyatida o‘tkazilgan nazorat tadbirlari davomida jami 44 turdagi 8034 dona umumiy qiymati 124,6 million so‘mlik alkogol mahsulotlari noqonuniy savdoga qo‘yilgani aniqlandi.
Xususan, Shahrisabz shahridagi oziq-ovqat bozori atrofida joylashgan savdo nuqtasida 11 turdagi 3 683 dona jami 48 million 861 ming so‘mlik, ayni shu hududda joylashgan navbatdagi do‘konda 9 turdagi 2 616 dona jami 50 million 352 ming so‘mlik qalbaki aksiz markali hamda markirovkalanmagan alkogol mahsulotlari noqonuniy savdoga qo‘yilgani aniqlanib, belgilangan tartibda vaqtincha saqlash uchun olib qo‘yildi.
Alkogol mahsulotlarining noqonuniy savdosi yuzasidan Jizzax, Xorazm, Navoiy hamda Toshkent viloyatlarida ham nazorat tadbirlari o‘tkazilmoqda.
Izoh (0)