Ҳукумат қарори билан Ўзбекистонда алкогол ва тамаки маҳсулотларига янги намунадаги акциз маркалари жорий этилади.
“Алкогол ва тамаки маҳсулотларига янги намунадаги акциз маркаларини жорий этиш тўғрисида”ги ҳукумат қарори қабул қилинди. Қарор билан 2023 йил 1 августдан алкогол ва тамаки маҳсулотларига янги намунадаги акциз маркалари жорий этилади. Бунда:
- ишлаб чиқарувчи ва импорт қилувчи ташкилотларга янги намунадаги акциз маркаларини ёпиштириш билан бир вақтда алкогол ва тамаки маҳсулотларига ишлаб чиқаришда (импорт қилишда) эски намунадаги акциз маркаларидан фойдаланишга ҳамда улар билан маркаланган маҳсулот қолдиқларини 5 ой мобайнида сотишга рухсат берилади;
- улгуржи ва чакана савдо тармоғида эски намунадаги акциз маркалари билан маркаланган маҳсулотлар ишлаб чиқарувчи ва импорт қилувчи ташкилотлар учун белгиланган муддатдан кейин 12 ой ўтгач маркаланмаган деб ҳисобланади ва белгиланган тартибда олиб қўйилади.
Шунингдек, 2024 йил 1 ноябрдан эски намунадаги акциз маркалари билан маркаланган алкогол ва тамаки маҳсулотларини аниқлаш, уларнинг олиб кирилиши, ишлаб чиқарилиши ҳамда сотилишининг олдини олиш чоралари кўрилади.
Қарорга кўра, ароқ маҳсулотларини сақлаш ва яроқлилик муддати ишлаб чиқарувчилар томонидан мустақил равишда 24 ойгача этиб белгиланади.
Изоҳ (0)