АҚШ расмийлари Исроилга Ғазо секторида тинч аҳоли қурбонларини камайтириш бўйича чоралар кўриш учун тавсия берди. Бу ҳақда манбаларга таяниб, New York Times хабар берди.
3 ноябрь куни жума ташрифи чоғида АҚШ давлат котиби Энтони Блинкен бош вазир Биньямин Нетаньяху билан Исроил тинч аҳоли ўлимини минималлаштириш учун қўйиши мумкин бўлган ва қилиши керак бўлган “аниқ қадамлар” ҳақида гаплашган. Блинкен 4 ноябрь куни Иорданияда араб етакчилари билан учрашгандан кейин ҳам худди шу фикрни такрорлаган.
“Анонимлик шарти билан гапирган АҚШ расмийлари исроиллик ҳамкасбларига ўз амалиётларида мувозанатли ёндашишни маслаҳат берган бир қанча суҳбатлар бўлганини маълум қилди”, дейилади хабарда.
АҚШ расмийларига кўра, Исроил “ҲАМАС етакчиларини нишонга олиш усулларини такомиллаштириш”, зарба беришдан олдин ҲАМАСнинг қўмондонлик ва назорат тармоқлари ҳақида кўпроқ разведка маълумотларини тўплаш, туннеллар тармоғини йўқ қилиш учун кичикроқ бомбалардан фойдаланиш орқали Ғазо секторидаги қурбонлар сонини камайтириши мумкин.
Изоҳ (0)