Шимолий Корея етакчиси Ким Чен Ин расмийларга фаластинликларни қўллаб-қувватлашни буюрди. Бу ҳақда Тhе Wall Street Journal хабар берди.
Маълум қилинишича, КХДР етакчиси Яқин Шарқдаги жангари гуруҳларга қурол сотиш имкониятини кўриб чиқиши мумкин.
“Шимолий Корея ўтмишда ҲАМАСга танкка қарши ракета отиш мосламаларини сотган ва Пхеньян Ғазога уруш даврида кўпроқ қурол экспорт қилишга уриниши эҳтимоли бор”, — дейилади хабарда.
Жанубий Корея ҳарбийлари 7 октябрдаги ҳужум суратлари ва видеоларига асосланиб, ҲАМАС Шимолий Кореянинг турли қуролларидан фойдаланганини иддао қилади. Пхеньян бу айбловларни ёлғон дея рад этган.
Аввалроқ Жанубий Корея разведкаси КХДР ҲАМАСга Исроилга қарши урушда “ёрдам” беришни режалаштираётгани ҳақида хабар берганди. Шимолий Корея етакчиси Ким Чен Ин ёпиқ эшиклар ортида ўтказилган аудит йиғилишида расмийларга Фаластинга ҳар томонлама ёрдам кўрсатиш чораларини кўришни буюргани бўйича белгилар бор. Айнан қандай ёрдам ҳақида гап кетаётгани ҳозирча номаълум.
Изоҳ (0)