Шимолий Корея 2023 йил бошидаги икки муваффақиятсиз уринишдан сўнг айғоқчи сунъий йўлдошини қайта учиришга тайёргарликнинг якуний босқичида турибди.
Муваффақиятсиз уринишлардан сўнг Шимолий Корея янги аппаратни учиришга деярли тайёр, деб хабар бермоқда Yonhap Жанубий Корея Миллий разведка хизматига таяниб.
Разведка маълумотларига кўра, Шимолий Корея Россиядан технологик ёрдам олган, шунинг учун бу сафар муваффақиятга эришиш эҳтимоли юқорироқ бўлиши мумкин. Коинот технологиялари борасидаги ёрдам Шимолий Корея етакчиси Ким Чен Ин ва Россия президенти Владимир Путин ўртасида сентябрда бўлиб ўтган саммит натижаларидан бири бўлган деб ишонилмоқда.
Шунга қарамай, Шимолий Корея ҳануз имкониятлар ва технология етишмаслигидан азият чекмоқда. Мамлакат ҳали қитъалараро баллистик ракета учун зарур бўлган технологиялар ва бир нечта жанговар каллакларни ўзлаштирмаган, деб таъкидлади Жанубий Корея разведкаси.
Разведка хизмати Шимолий Корея ва Россия ўртасидаги эҳтимолий қурол ва технология савдоси ҳақидаги маълумотлар билан ҳам бўлишди. Тахминларга кўра, август ойи бошидан бери КХДР Россияга 10 партияга яқин миқдорда 1 миллиондан ортиқ артиллерия снарядлари ва бошқа қуролларни етказиб берган, Россия улардан Украинадаги урушда фойдаланган.
Изоҳ (0)