Ҳар бир инсон эртами-кечми, ўлимга юз тутади — бу ривожланишнинг муқаррар босқичи бўлиб, унга ҳар ким ўзича қарайди. Кимдир Аря Stark каби ўлимни эски дўст деб ҳисоблайди, бошқалари эса бу мавзу бўйича фикр юритиш вақтини иложи борича кечиктиради.
“Барча машаққатлар билан”
Ишлаб чиқарилган йили: 2018 йил
Режиссёр: Уэйн Робертс
Бош ролларда: Жонни Депп, Зои Дойч, Ванесса Янг
Машҳур профессор Ричард шифокорлар унга тўсатдан саратон ташхисини қўйишганда депрессияга тушади. Бир неча ҳафта давомида ўзининг “омадсиз” ҳаёти ҳақида қайғурганидан сўнг, бош қаҳрамон сўнгги ойларни кўнгилдагидек ўтказишга қарор қилади. Барча тақиқлар олиб ташланади: Ричард талабалари билан ноқонуний моддадан татиб кўради, официантни йўлдан оздиради ва ҳар кимга ўз фикрини уларнинг юзига айтади.
“Коко сири”
Ишлаб чиқарилган йили: 2017 йил
Режиссёр: Ли Ункрич, Адриан Молина
Кўплаб танқидчилар фикрига кўра, “Коко сири” сўнгги ўн йилликнинг энг яхши мультфильмларидан бири. Фильм воқеалари мусиқачи бўлишни орзу қилган 11 ёшли Мигел атрофида содир бўлади. Оила қадимий анъана туфайли бош қаҳрамонга ўзи ёқтирган иш билан шуғулланишни тақиқлайди. Мигел истеъдодини исботлашга уриниб, тасодифан Ўликлар мамлакатига — ота-боболарининг дунёсига тушиб қолади. У ерда вафот этган қариндоши билан учрашади ва бирга саёҳатга чиқади: шу ерда у нима учун барча қариндошлари мусиқадан нафратланишларини билиб олади. “Коко сири” садоқат, севги ва оилавий анъаналар мавзуларини кўтаради. Шунингдек, у Мексика маданияти ва мамлакатда нишонланадиган Ўликлар кунини ранг-баранг тарзда ифодалайди. Мультфильм бир нечта мукофотларга номзод бўлган ва ҳатто “Энг яхши анимацион фильм” номинациясида “Оскар”га сазовор бўлган.
“Трумен”
Ишлаб чиқарилган йили: 2015 йил
Режиссёр: Сеск Гуй
Бош ролларда: Рикардо Дарин, Хавер Камара
Томас кўп йиллардан бери Канадада яшайди, лекин унинг энг яқин дўсти Жулиан саратон касаллигига қарши курашни давом эттирмасликка қарор қилгани ҳақидаги хабардан кейин ватани Испанияга қайтишга қарор қилади. Томас тўрт кун кетма-кет дўстини фикрини ўзгартиришга ишонтиришга ҳаракат қилади, аммо Жулиан сўзида қатъий. Томас фақат дўсти билан бирга бўлиши мумкин, шу билан бирга, у ўлимидан кейин Трумен лақабли итини қаерга қўйиш ҳақида қайғуради. Ғамгин ва илиқ испан драмаси ҳақиқий дўстлик ҳақида ҳикоя қилади.
“Қалб”
Ишлаб чиқарилган йили: 2020 йил
Режиссёр: Пит Доктер, Кемп Пауэрс
“Қалб” мультфильми бахтсиз ҳодисадан сўнг руҳлар оламига тушиб қолган мусиқа ўқитувчиси Жо Гарднер ҳақида ҳикоя қилади. Мусиқачи танасига қайтиш учун 22 исмли ғамгин ҳамроҳи билан бир қатор саргузаштларни бошдан кечириши керак бўлади, у ҳали Ерда ўз тақдирини топа олмаган. Тўсиқлар олдида улар ҳаётнинг асл қиймати нафақат мақсадларга эришишда, балки ҳар бир дақиқадан завқланишда ва ўзини қандай бўлса, шундайлигича қабул қилишда эканини англайди. “Қалб” танқидчиларнинг ижобий фикрлари билан бирга, бир нечта нуфузли мукофотларга, жумладан, энг яхши анимацион фильм учун “Оскар”га номзод бўлади. Мультфильм катта ёшдаги томошабинларда чуқур ҳис-туйғулар ва мулоҳазаларни уйғотиб, ҳаётнинг мазмуни, мақсади ва ўзини ўзи билиш мавзуларига бағишланган.
“Учинчи юлдуз”
Ишлаб чиқарилган йили: 2010 йил
Режиссёр: Хетти Далтон
Бош ролда: Бенедикт Камбербетч
Жеймс ўзининг 29 ёшини оиласи билан нишонламоқда, чунки у оғир саратон касаллигидан азоб чекаётгани учун ўттиз ёшини нишонлай олмаслигини билади. Хасталик ҳақидаги хаёллардан халос бўлиш учун у учта дўсти билан денгиз кўрфазига сўнгги сафарига жўнайди. Бош қаҳрамон ўлимнинг муқаррарлигига кўнганига анча бўлган. Саёҳат давомида 3 дўст олдиндан айтиб бўлмайдиган ва кулгили вазиятларга дуч келади, бу эса Жеймснинг сўнгги кунларини қувонч ва завқ билан тўлдиришга ёрдам беради.
“Тепага”
Ишлаб чиқарилган йили: 2009 йил
Режиссёр: Пит Доктер, Боб Петерсон
78 ёшли Карл марҳум хотинига берган ваъдасини бажариш учун ажойиб саргузашт ҳақидаги орзусини амалга оширишга қарор қилади — уйига минглаб шарларни боғлаб, Жанубий Американинг ёввойи табиатига учиб кетади. Беш юз метрга ҳам учмаган бобо тасодифан ўзи билан Расселл исмли қувноқ 8 ёшли қўшни болани олиб кетганини билиб қолади. Бош қаҳрамонлар томошабинга нима учун ўлимдан эмас, балки чуқур ёлғизликда ўтказган сўнгги йиллардан қўрқиш кераклигини кўрсатиб беради.
“Видолашув”
Ишлаб чиқарилган йили: 2019 йил
Режиссёр: Лулу Ванг
Бош ролларда: Аквафина, Чжоу Шучжен
30 ёшли хитойлик ёзувчи Бруклинда яшайди. Унинг идеал ҳаётида битта камчилик бор — у ўз ватанида Хитойда яшовчи бувисини жуда соғинган. Тўсатдан бувиси касал бўлиб, узоқ яшамаслиги маълум бўлади. Бироқ яқинлари унга бу ҳақда айтиб, хафа қилишни хоҳламайди, сукут сақлашга қарор қилишади. Катта оиланинг барча аъзолари ўлаётган аёл билан хайрлашишга улгуриши учун унга қариндошлари набирасининг тўйига келишаётгани айтилади, аслида у турмушга чиқмоқчи эмас.
Изоҳ (0)