Жулия Робертс — 55 ёшда: қаттиққўл ўгай отаси, ветеринар бўлиш орзуси ва 25 млн доллар гонорар олган роли ҳақида

Жулия Робертс ажойиб карьерасидан анча олдин кўп йиллик қийинчиликлар ва тўсиқларни енгиб ўтишига тўғри келган. Аммо у таслим бўлмади — ҳозирда унинг ўнлаб ажойиб роллари бор. 28 октябрь куни Жулия Робертс 55 ёшни қарши олгани муносабати билан севимли актрисамиз ҳаёти ҳақида кенгроқ маълумот берамиз.

• Жулия кичик шаҳарча — Смирнада, собиқ актёр ва драматург оиласида туғилган. Унинг ота-онаси болалар актёрлик мактабини бошқарган. Бўлажак юлдуз акаси Эрик ва синглиси Лиза билан бирга ўсган.
• Жулия 4 ёшга тўлганида онаси ажрашиш учун ариза беради ва тез орада бошқа одамга турмушга чиқади. Шу тариқа Робертснинг ўгай синглиси дунёга келади. Бу никоҳ Жулиянинг онасига бахт келтирмайди: янги турмуш ўртоғи оилани таъминлай олмагани устига жуда қаттиққўл одам эди. Ўгай отаси билан муносабатлари ёмонлиги етмагандай, ўз отаси касалликдан вафот этади.
• “Соҳибжамол” юлдузи болалигида саҳнани орзу қилмаган, балки ветеринар бўлишни хоҳлаган. Бироқ кейинроқ интервьюда у бу касбни ўрганиш унга жуда қийин бўлиб туюлганини тан олади.

  

• Кемпбелл ўрта мактабини тугатгандан сўнг Жулия штат университетига ўқишга киради, лекин уни тугатмай, ота-онасининг изидан боришга ва актриса бўлишга қарор қилади. Кўп ўтмай у Нью-Йоркка кетади ва моделлик агентлиги билан шартнома имзолаш билан бирга актёрлик курсларига ёзилади.
• Айтиш керакки, унинг акаси, актёр Эрик Робертс Жулиянинг карьерасида муҳим рол ўйнаган. Айнан у Жулиянинг Голливудга қадам қўйишига ёрдам берган. Эрик у пайтда кўплаб фильмларда рол ўйнарди. Кино агентини синглиси билан шартнома имзолашга кўндирган ҳам акаси бўлади.
• Кўп ўтмай, Робертсга бир нечта эпизодларга таклиф тушади ва акаси билан биргаликда кичик рол ўйнайди. Унинг энг диққатга сазовор иши юлдузли карьерасининг бошланиши бўлган “Мистик пицца” фильмидаги официант қиз роли эди. Фильм чиққандан сўнг, нуфузли танқидчилардан бири Робертсни “шиддатли энергияга эга соҳибжамол” деб атайди.

• Афсуски, кейинчалик Жулия ва Эрикнинг муносабатлари бузилади, акасининг гиёҳвандлиги туфайли кўп йиллар гаплашишмайди ҳам. Жулия бундай турмуш тарзини хоҳламайди: акасининг қилиқларига ортиқ чидай олмасди.
• Эрик ва унинг севгилиси ўртасидаги болага васийлик қилиш учун кураш пайтида Жулия акасининг ёнини олмагани муносабатларини янада ёмонлаштиради.
• Айтганча, бу бола ҳозирда муваффақиятли актриса — Эмма Робертс эди. Шуни алоҳида таъкидлаш керакки, қизнинг тақдирида холаси катта рол ўйнади. Бир вақтлар Жулия Голливудга актёр акаси туфайли кириб келганди, кейинчалик у акасининг қизига юлдуз бўлишига ёрдам беради. Болалигиданоқ Эмма кўп вақтини холаси билан суратга олиш майдончаларида ўтказади ва бу тажриба қизчада актриса бўлиш истагини уйғотади.

  

• Томошабинлар Жулияни “Соҳибжамол” фильми чиққандан кейин севиб қолишди, аммо бундан олдин у худди шу номдаги песага асосланган “Пўлат магнолиялар” фильмида ҳам рол ўйнаган. Режиссёрлар бу рол учун Лаура Дерн ва Вайнона Райдерни мўлжаллашган, аммо кастинг директори Жулияни синаб кўришларини сўраган. Кейинчалик песа муаллифи “хонага кирганида унинг табассуми атрофдаги ҳамма нарсани ёритиб юборганини” яхши эслайди.
• Фильм экранларга чиққандан сўнг Робертс “Оскар” ва “Олтин глобус” мукофотига “Иккинчи пландаги энг яхши аёл роли” номинациясида номзод бўлади.
• Кейинги муваффақият унинг афсонавий “Соҳибжамол” фильмидаги роли эди.

• Вивиан роли туфайли Жулия “Оскар” ва “Олтин глобус”га иккинчи марта номзод бўлади. Картина, шунингдек, романтик комедия учун сотилган чипталар сони бўйича рекорд қўяди, Робертснинг фильмда кийган қизил либоси эса кинодаги энг машҳур либослардан бирига айланади.
• Бунинг ортидан кинода унчалик машҳур бўлмаган бир қатор роллари пайдо бўлади, бунинг ортидан актриса 2 йил танаффус олишига тўғри келади. Тўғри, бу танаффус актрисанинг карьерасига ўз таъсирини ўтказмай қолмайди: унинг кейинги фильмларининг баъзилари томошабин ва танқидчилар томонидан яхши қабул қилинмади, “Мери Райли” фильми эса бутунлай муваффақиятсизликка учрайди.
• Вазиятни Робертснинг “Дўстимнинг тўйи” фильми ва “Ўгай она” драмасидаги роллари ушлаб турди. Бироқ томошабинлар ҳали ҳам Жулия ва Ричард Гир дуэтини кўришни орзу қилган “Соҳибжамол”ни яхши кўрарди. Кўп ўтмай мухлислар истаганидек, улар жуфтлик ролини ўйнаган “Қочоқ келин” фильми намойиш этилади.
• Шахсий ҳаётига келсак, Робертснинг ишқий романлари ҳақида кўп миш-мишлар тарқалган. Масалан, у актёрлар Жейсон Патрик, Лиам Нисон, Дилан МакДермотт, Метю Перри ва Кифер Сазерленд билан муносабатда бўлган. У ҳатто Кифер Сазерленд билан унаштирилган, лекин ёшлар тўйдан 3 кун олдин ажралишади. Кўп ўтмай Жулия кантри қўшиқчиси Лайл Ловеттага турмушга чиқади, аммо 2 йилдан кейин улар ҳам ажралишади.

  

• Ва ниҳоят Робертс “Мексикалик” фильмининг суратга олиш жараёнида танишган оператор Даниэль Модер билан оилавий бахтини топади. Тўй ранчода бўлиб ўтади. Ҳозирда эр-хотиннинг 3 нафар фарзанди бор: 2 эгизак – ўғил ва қиз, яна бир ўғил.
• Робертснинг янги ёрқин ғалабаси Стивен Содерберг фильмидаги Эрин Брокович роли бўлди. Ёлғиз она ва инсон ҳуқуқлари ҳимоячиси образи актриса учун ажойиб муваффақият бўлди ва ниҳоят унга орзу қилинган “Оскар”ни олиб келди.
• Айтганча, Жулия суратга олиш учун 20 миллион доллар олган биринчи актриса ҳисобланади. Кейинги иши — “Мона Лиза табассуми” фильмида актриса бундан ҳам каттароқ — 25 миллион доллар гонорар олади. Бир мунча вақт у Голливуддаги энг кўп маош оладиган актрисага айланади.

  

• Жулия Робертс Жорж Клуни билан кўп йиллардан бери дўст. Улар “Оушеннинг 11 дўсти” фильмини суратга олиш пайтида дўстлашишади. Гап шундаки, ўша пайтда актриса эгизакларига ҳомиладор бўлган ва Клуни унга ҳар томонлама ғамхўрлик қилган. Актрисанинг сўзларига кўра, бу жуда таъсирли эди.
• Эгизаклар — қизи ва ўғли туғилиши Жулия ва унинг акаси Эрик ўртасидаги музни эритиб юборади. Акаси тоға бўлганини билгач, дарров туғуруқхонадаги синглисининг олдига югуради. Ўшандан кейин уларнинг муносабатлари илиқлашади, ҳозирда ҳам улар кўпинча оилавий таътилларни биргаликда ўтказишади.
• Клунидан ташқари, Жулия Опра Уинфри билан ҳам яқин дўст. Робертс худди шу номдаги асар асосида суратга олинган “Ҳаётдан завқлан” фильмидаги роли учун ундан миннатдор. Гап шундаки, бу Опранинг энг севимли китоби бўлган ва у Жулияга асар асосида фильм суратга олиш ғоясини берган.

  

• Қизиғи шундаки, ушбу фильм суратга олинаётганда Жулия 4 килога семиради — барчаси Рим ошхонасининг мазали таомлари туфайли эди. Робертс, шунингдек, фильм ижодкорларидан оиласини ҳам Балига кўчириб келиш шартини қўяди.
• Актриса ҳаётидаги энг қийин даврлардан бири 2014 ва 2015 йиллар бўлади: бу вақтда у 2 та катта йўқотишни бошдан кечиради. Аввалига унинг ўгай синглиси оламдан ўтади, кўп ўтмай узоқ давом этган хасталикдан сўнг онаси ҳам вафот этади.

  

• Актрисага бундай оғир стрессни енгишига иши ёрдам беради. Сўнгги пайтларда актриса жиддий фильмларда суратга тушишни афзал кўриб, оилавий муаммоларни бошдан кечираётган мураккаб қаҳрамонларни танламоқда. “Мўжиза” ва “Бенни қайтариш” фильмлари шулар жумласидан.
• 2022 йилнинг кузида эса актрисанинг мухлисларига ҳақиқий совға бўлди: улар Жулия ва Жорж Клуни дуэтини яна экранларда кўришди. Дўстлар биргаликда “Жаннатга чипта” фильмида суратга тушишди.

  

• Фильмлардаги фаолиятидан ташқари, Жулия кўп йиллар давомида яхши ният элчиси бўлган. 1995 йилда у муҳтож болаларга ёрдам бериш дастурини ишлаб чиқишда ёрдам бериш учун Гаитига боради. Бундан ташқари, ўз фаолияти давомида Жулия кўплаб экологик ташаббусларни, хусусан, “Тоза ҳаво” ташаббусини қўллаб-қувватлади. Бундан ташқари, у аёллар имкониятларини кенгайтиришга қаратилган Чанге Белл кампаниясида иштирок этган.
• Бу йил юлдуз 55 ёшга тўлди, катта фарзандлари тез орада коллежга боради, актрисанинг ўзи эса ижодий режаларга тўла. Ва у ҳали ҳам ажойиб кўринишда. Қандай қилиб бундай формада бўлиши ҳақидаги барча саволларга Жулия шунчаки омадли эканлигини айтади: “Бу 97 фоиз генетика. Гўзаллик сирлари ёки шунга ўхшаш нарсаларга ишонманг, ҳамма гап — яхши генетикада”.