Toshkentning Yunusobod, Mirzo Ulug‘bek va Yashnobod tumanlari ayrim hududlarida issiq suv ta’minoti o‘chiriladi, deb xabar bermoqda Veolia Energy Tashkent. Bu 30—31-oktyabr kunlari 1-IM hududidagi “Hududgaz Poytaxt” filiali gaz taʼminotini to‘xtatishi bilan bog‘liq.
“Bizning asosiy issiqlik energiyasini yetkazib beruvchimiz (‘Toshkent issiqlik markazi’ MCHJ) 1-IM qozonxonasi gaz ta’minotidan vaqtinchalik uziladi. To‘xtash sababi Hududgaz Poytaxt yuqori bosimli gaz quvuridagi rejalashtirilgan ishlar bilan bog‘liq bo‘lib ishlar 30-oktyabr kuni soat 08:00 dan 31-oktyabr soat 20:00 gacha amalga oshiriladi”, — deyiladi xabarda.
Issiq suv ta’minoti to‘liq tiklanishi gaz ta’minoti qayta tiklanganidan va 1-IM qozonxonasi ishga tushirilgandan so‘ng (taxminan 31-oktyabr yarim tunda) amalga oshiriladi.
Issiq suvni o‘chirish quyidagi hududlarga ta’sir qiladi:
Yunusobod tumani: S-4, S-5, S-6 dahalari, A. Donish, Ergashev, Bodomzor, Bog‘ishamol, G‘ulomov, Gidrometeorologiya markazi, A.Temur ko‘chalari.
Mirzo Ulug‘bek tumani: Navnihol, Ne’mat, Shahriobod, Do‘rmon yo‘li, Mo‘minov, Ziyolilar, Xojiboyev, Qalandar, M.Ulug‘bek, Levitan, Mudofaa vazirligi gospitali hududi, Sayram, Buyuk Ipak Yo‘li, M. Yusuf, Mustaqillik, Oqqo‘rg‘on, Irgashev, Q.Niyozov, Murtazayev, P.Salar, P.Pishpek ko‘chalari, H.Olimjon maydoni, S-1, S-2, Yalang‘och, Bo‘z-1, Parkent dahalari.
Yashnobod tumani: Botkina, Tashselmash, Mirzo Ulug‘bek dahalari, Riyoziy, Parkent, Siolkovskiy, Maxtimquli ko‘chalari.
Veolia Energy Tashkent MChJ XK vaqtinchalik noqulayliklar uchun oldindan uzr so‘radi.
Izoh (0)