Футбол бўйича Ўзбекистон терма жамоаси 16-октябрь, душанба куни Хитой терма жамоасига қарши ўртоқлик ўйини ўтказди.
Биринчи бўлим сўнгида Веи Шихао хитойликларни ҳисобда олдинга олиб чиқди. Иккинчи бўлимда эса жамоалар бир қанча вазиятларни яратди. 77-дақиқада рақиб жарима майдони ичида Аббосбек Файзуллаев пенальти ишлади. Отабек Шукуров пенальтидан тепган тўп дарвозабонга тегиб, қайтди ва қайтган тўпни Шукуров дарвозага йўллади. 86-дақиқада эса Жамшид Искандеров Ўзбекистоннинг иккинчи голига муаллифлик қилди. Қолган дақиқаларда дарвозалар ишғол этилмади.
Шу тариқа Сречко Катанец шогирдлари ғалабага эришди.
Эслатиб ўтамиз, Ўзбекистон терма жамоаси 13-октябрь куни Вьетнам устидан ишончли ғалабани қўлга киритганди.
Ўртоқлик ўйини
16-октябрь, душанба
Хитой – Ўзбекистон 1:2
Голлар: 1:0 — 42 Веи Шихао, 1:1 78 Отабек Шукуров, 1:2 — 86 Жамшид Искандеров.
Хитой: 1.Янг Жунлинг, 4. Ли Лей (19. Ли Янг, 73), 2. Таяс Браунинг, 3. Зу Ченжиэ (24. Ву Шаоконг, 80), 27. Хе Юпенг (14. Чен Пу, 66), 8. Николас Еннарис, 13. Ванг Киуминг (29. Тан Лонг, 46), 6. Ванг Шангюан, 9. Элексон (22. Гао Тианйи, 46), 7. Ву Лей (20. Фанг Хао, 73), 11. Веи Шихао.
Ўзбекистон: 1. Ўткир Юсупов, 3. Ҳожиакбар Алижонов, 4. Фарруҳ Сайфиев (13. Шерзод Насруллаев, 89), 7. Отабек Шукуров, 9. Одилбек Ҳамробеков (8. Жамшид Искандеров, 72), 10. Жалолиддин Машарипов (22. Аббосбек Файзуллаев, 46), 11. Остон Ўрунов (20. Жасур Яхшибоев, 46), 14. Абдуқодир Ҳусанов, 15. Умар Эшмуродов (5. Рустам Ашурматов, 72), 21. Игор Сергеев (17. Бобур Абдухолиқов, 46), 23. Ҳусниддин Алиқулов.
Огоҳлантиришлар: Абдуқодир Ҳусанов (27), Ҳусниддин Алиқулов (63).
Изоҳ (0)