Futbol bo‘yicha O‘zbekiston terma jamoasi 16-oktabr, dushanba kuni Xitoy terma jamoasiga qarshi o‘rtoqlik o‘yini o‘tkazdi.
Birinchi bo‘lim so‘ngida Vei Shixao xitoyliklarni hisobda oldinga olib chiqdi. Ikkinchi bo‘limda esa jamoalar bir qancha vaziyatlarni yaratdi. 77-daqiqada raqib jarima maydoni ichida Abbosbek Fayzullayev penalti ishladi. Otabek Shukurov penaltidan tepgan to‘p darvozabonga tegib, qaytdi va qaytgan to‘pni Shukurov darvozaga yo‘lladi. 86-daqiqada esa Jamshid Iskanderov O‘zbekistonning ikkinchi goliga mualliflik qildi. Qolgan daqiqalarda darvozalar ishg‘ol etilmadi.
Shu tariqa Srechko Katanes shogirdlari g‘alabaga erishdi.
Eslatib o‘tamiz, O‘zbekiston terma jamoasi 13-oktabr kuni Vyetnam ustidan ishonchli g‘alabani qo‘lga kiritgandi.
O‘rtoqlik o‘yini
16-oktabr, dushanba
Xitoy – O‘zbekiston 1:2
Gollar: 1:0 — 42 Vei Shixao, 1:1 78 Otabek Shukurov, 1:2 — 86 Jamshid Iskanderov.
Xitoy: 1.Yang Junling, 4. Li Ley (19. Li Yang, 73), 2. Tayas Brauning, 3. Zu Chenjie (24. Vu Shaokong, 80), 27. Xe Yupeng (14. Chen Pu, 66), 8. Nikolas Yennaris, 13. Vang Kiuming (29. Tan Long, 46), 6. Vang Shangyuan, 9. Elekson (22. Gao Tianyi, 46), 7. Vu Ley (20. Fang Xao, 73), 11. Vei Shixao.
O‘zbekiston: 1. O‘tkir Yusupov, 3. Hojiakbar Alijonov, 4. Farruh Sayfiyev (13. Sherzod Nasrullayev, 89), 7. Otabek Shukurov, 9. Odilbek Hamrobekov (8. Jamshid Iskanderov, 72), 10. Jaloliddin Masharipov (22. Abbosbek Fayzullayev, 46), 11. Oston O‘runov (20. Jasur Yaxshiboyev, 46), 14. Abduqodir Husanov, 15. Umar Eshmurodov (5. Rustam Ashurmatov, 72), 21. Igor Sergeyev (17. Bobur Abduxoliqov, 46), 23. Husniddin Aliqulov.
Ogohlantirishlar: Abduqodir Husanov (27), Husniddin Aliqulov (63).
Izoh (0)