Американинг “Интер Майами” ноябрь ойида Хитойга йўл олади. Бу ҳақида жамоа расмий сайти маълум қилди.
Лионель Месси тўп сураётган жамоа Хитой Суперлигасининг икки вакили — “Синдао Хайню” ва “Ченду Тяньчен” клублари билан ўртоқлик ўйини ўтказади.
Қайд этиб ўтиш жоиз, бу “Интер Майами” ўз тарихида илк бор халқаро турда иштирок этади.
Эслатиб ўтамиз, “Интер Майами” MLS плей-оффига чиқиш имкониятидан маҳрум бўлди. Шу тариқа жамоа 21-октябрдан (сўнгги ўйин “Шарлотт”га қарши бўлиб ўтади) февраль ойи охирига қадар (янги мавсум бошланади) расмий ўйинлар ўтказмайди.
Изоҳ (0)