Кўпчилик юлдузларга ҳамма нарса осон, улар бой ва машҳур, деб ўйлайди. Аммо улар машҳур бўлгунга қадар қийин йўлни босиб ўтганини билишмайди. Уларнинг ҳам муваффақиятсизликлардан шунчалик чарчаган пайтлари бўлганки, кинодан бутунлай кетишларига оз қолган.
Шарлиз Терон
Ҳозирги кунда Шарлиз — омманинг севимлиси ва Голливуддаги энг кўп маош олувчи актрисалардан бири. Аммо у Лос-Анжелесга омадини синаб кўриш учун жуда оз пул билан келганини ва фуқаролик муаммолари туфайли чекини нақд қилишдан бош тортган банк ходими билан жанжаллашишга мажбур бўлганини кўпчилик билмайди. Жанжални ўша банкка иш билан кирган истеъдодлиларни топиш билан шуғулланадиган агент кўриб қолади.
У бўлажак актрисага ташриф қоғозини қолдиради ва уни актёрлик мактабига қабул қилади, у ерда Шарлиз ўзининг биринчи ролларини ўйнайди. Кўп ўтмай у “Иблис адвокати” фильмида иштирок этади, бу унинг карьерасидаги ютуғи эди.
Мелисса Маккарти
Кўпчилик Мелиссанинг комедик истеъдодини тан олган. Аммо дастлаб бўлажак юлдузга омад кулиб боқмайди: кастинглардан ўта олмайди, ролларга муносиб кўрилмайди. Натижада Мелисса ўзига шарт қўяди: агар у 30 ёшгача Голливудда иш тополмаса, актриса бўлиш орзусидан воз кечади.
30 ёшга тўлишидан бир ҳафта олдин Маккарти “Гилмор қизлари” телесериалида рол ўйнайди ва бу рол уни машҳур қилади.
Роберт Паттисон
Унга оламшумул машҳурлик олиб келган “Сумерки” фильмида суратга тушишдан олдин Роберт ҳаммасидан воз кечишга тайёр бўлиб тураганди. Унинг сўзларига кўра, актёр “Сумерки” фильмининг кастингига агентининг маслаҳати билан ўзи билан гитара олиб келади.
“Ичкарига кирсам, улар: “Гитара чалишни биласизми” деб сўрашди. Мен уларга йўқ дедим, улар “Нима, уни ушлаб туриш учун олиб келдингизми?” дейишди. Тамом. Шу ернинг ўзида тамом бўлдим”, дейди актёр. Бу муваффақиятсизликдан сўнг, у ота-онасига қўнғироқ қилиб: “Бўлди, ортиқ ўзимни қийнамайман”, дейди. Эртаси куни Робертни “Сумерки”га таклиф қилишади.
Уилл Смит
Уилл Смит актёр бўлишидан олдин рэпер бўлган. Унинг мусиқий карьераси жуда муваффақиятли бўлишига қарамай, солиқларни тўламаганлиги учун қарзлари кўпайиб кетганди. Бир куни дўсти Уиллни шоу майдончасига судраб келади — шунчаки у карьераси учун ёрдам берадиган одам топиш мақсадида. Ҳақиқатан ҳам “Бел-Aирнинг янги шаҳзодаси” ситкомида рол ўйнашига ёрдам берган керакли одамни учратади.
Хелли Берри
Машҳур актриса бўлишдан анча олдин Хелли бир муддат уйсизлар бошпанасида яшаган. Ўша пайтда у 21 ёшда эди. Хелли онасига қўнғироқ қилиб, пул жўнатишини сўрайди, лекин онаси унга ёрдам бермайди. Ҳозир актриса ўша пайтда онаси унга пул бермагнидан миннатдор: бу воқеа унга кўп нарсани ўргатади. Хелли бу қийинчиликдан чиқиб кетишнинг уддасидан чиқади: икки йил ўтгач, Берри “Жунгли васвасаси” фильмида дебют ролини ўйнайди.
Крис Пратт
Биз Крисни “Галактика қўриқчилари” ва “Юра даври олами”нинг юлдузи сифатида биламиз, аммо бундан олдин у ҳам муаммога дуч келган. Крис мактабни ташлаб, ярим кунлик официант бўлиб ишлаган. У ҳатто мижозлардан қолган овқатларни ҳам ейишга мажбур бўлади. Бир куни у актриса ва режиссёр Рей Донг Чонгга хизмат кўрсатади — айнан у туфайли Крис кинога кириб келади ва тез орада сериалдаги биринчи ролини олади.
Изоҳ (0)