Иссиқ сентябрь ўз ўрнини ёмғирли, совуқ октябрга бўшатиб берди. Юмшоқ адёлга ўраниб, бир кружка иссиққина шоколад билан янги турк сериали томоша қилишнинг айни вақти.
“Қўрғон сирлари” (иккинчи фасл)
Оддий қиз Сейранга уйланган Ферит исмли бадавлат йигит ҳақида ҳикоя қилувчи сериалга кўпчиликни қизиқтириб қўйди. Асосий ролларни Мерт Рамазан Демир ва Афра Сарачўғли ижро этган.
Агар биринчи мавсумда қаҳрамонларга эндигина кўникиб қолган бўлсак, “Қўрғон сирлари”нинг янги эпизодларида улар бутунлай таниш бўлиб туюлади. Режиссёрлар томошабинларга Сейраннинг Ферит учун курашининг давомини кўрсатишади, чунки шахсий ҳаётида у ҳам бахтга лойиқ. Фильм давомида йигит шошилинч операция учун касалхонага тушиб қолади ва ҳамма содир бўлган воқеа учун Сейранни айблайди...
Сериалнинг иккинчи мавсумида бош қаҳрамонлардан ташқари Эмре Алтуғ (Ўрхан), Текиндор Четин (Халис оға), Ознур Серчелер (Асуман Корҳан), Берил Позам (Суна) ҳам иштирок этади, шунингдек, актйрлар таркибига Халиснинг набираси ролида Таро Эмир Текин ҳам қўшилади.
“Сапфир”
Бу фильмда Гулсойлар оиласи – Гулфем ва унинг уч ўғли ҳақида ҳикоя қилинади, аёл болаларини қаттиққўллик билан тарбиялаган. Улар ақлли, билимли ва одобли бўлиб улғайишади, лекин уларнинг ўзаро муносабатлари яхши эмас.
Муносабатларининг бузилишига сабаб бир вақтнинг ўзида учаласини ҳам севиб қолган Ферай исмли қиз. Шунинг учун йигитлар нафақат унинг юраги, балки оилавий мероси — сапфир узук учун ҳам рақобатлашиши керак.
Кузги янги прокатнинг юлдузлари актёрлар Илҳан Шен (Атес Гулсой), Öзге Ягиз (Ферае Йилмаз), Бурак Беркай Акгüл (Яман Гулсой) ва Ипек Тузcуоғлу (Гüлфем Гулсой) эди.
“Агар чин дилдан севсанг”
Сериалда бутун эътиборингиз “Қалбим эшигини қоқ” сериали юлдузи Керем Бурсинга қаратилади. Ҳафсанур Санжактутан янги фильмида унга партнёр бўлган. Фильмда Керем бадавлат йигит Атеш ролини ўйнайди, Ҳафсанур эса фирибгар қиз Лейла образини яратади.
Иккаласи бир-бирлари билан отасининг ўлимини эшитган Атешнинг уйида танишади. Отаси ўғлидан иккинчи турмушидан бўлган болаларига ғамхўрлик қилишини васият қилгани учун ўғли Лейла исмли энагани ёллашга қарор қилади. Танишув давомида йигит ва қиз умумий муаммолари, бир-бирларининг ўтмиши ҳақида билиб олишади ва бу туйғуларнинг уйғонишига сабаб бўлди.
“Тақдир ришталари”
Жорий йилнинг май ойида “Ёнган мамлакат” сериалини суратга олиш бошланди, бироқ икки ойдан кейин у “Тақдир ришталари”га айланди. Анъъанага кўра, турк сериалларининг классик сюжети қийинчиликлар, танловлар, севги ва оқ отли шаҳзодани ўз ичига олади. Мазкур фильмда ҳам Черногорияда танишган ва юқоридаги вазиятларни биргаликда бошдан кечирган Керем ва Севда ҳақида ҳикоя қилинади.
Керем Севдани балодан қутқаради, лекин адолатсизлик сабаб қамоққа ташланади. Бир неча йил ўтгач, улар яна учрашиб, бир-бирига нисбатан жиддий ҳис-туйғулари борлигини тушунишади.
“Тақдир ришталари” фильми қаҳрамонларини Серкан Чаёғлу, Айча Айшин Туран, Арзу Гамзе Килинч, Алптекин Серденгечти, Бетул Чобаноулу гавдалантирган.
“Ўзи йиқилган йиғламайди”
Ушбу мелодрама ижтимоий мавқелари тенг бўлмаган ёшлар Лейла Сонер ва Серкан ҳақида ҳикоя қилади. Қиз бой оилада туғилган, шунинг учун у энг яхши нарсаларга эришишга одатланган. Серкан эса механик бўлиб ишлайдиган келишган йигит.
Қандай қилиб дунёқараши турлича бўлган икки қаҳрамонни бир-бирига жалб қилиш мумкин? Аммо бу жуфтлик турли хил ижтимоий мавқейи ҳам, йўлда дуч келган тўсиқлар ҳам севишганларнинг ҳис-туйғуларини йўқота олмаслигини исботлайди.
“Ёввойи”
Фильмда Ҳалит Ўзғур Сари болалигида бой оиладан ўғирлаб кетилган Яман Али исмли йигит ролини ўйнайди. Қаҳрамон кўчада яшайди, гарчи уйсизлик уни жиноятчига айлантирмаган бўлса ҳам у учун яхши одам бўлиб қолиш ва дўстларига ёрдам бериш жуда муҳим.
Бир куни Яман ота-онаси ҳақида ҳайратланарли маълумотларни билиб қолади ва улар билан боғланишга ҳаракат қилади. Аммо бу ҳикояда ҳаммаси оддий эмас – йигит Туркиядаги энг муваффақиятли кишиларнинг қизи мафтункор Неслихон билан танишади ва уни севиб қолади. Қизнинг онаси бу мунсабатдан умуман мамнун эмас.
“Бутунлай бошқа”
Агар Ҳанде Эрчел мухлиси бўлсангиз, бу детектив сериални албатта кўришингиз керак. Бу фильмда актриса прокуратура ходими Лейла ролини ижро этади. Унга муваффақиятли журналист Кенан Ўзтурк ролини ижро этган Бурак Дениз партнёрлик қилади.
Сюжет қотиллик терговига бағишланган бўлиб, унга кутилмаганда Лайла жалб қилинган – у шунчаки Истанбулга ота-онасини кўргани келган, бироқ оиласи билан ҳордиқ чиқара олмаган. Айни пайтда у Кенан билан танишади ва у билан жиноятчини қидиради.
Изоҳ (0)