Сурхондарё вилоятида шифокор ва ўқитувчиларга уй совға қилинади. Бу ҳақда вилоят ҳокимлиги ахборот хизмати хабар берди.
Маълум қилинишича, Сурхондарё вилояти Шеробод туманида кўп йиллик меҳнати билан ёш авлодни вояга етказиш, аҳоли саломатлигини таъминлашга ўз хиссасини қўшаётган энг илғор ўқитувчи ва шифокорлар учун уй-жойлар қурилишига старт берилди. Турар жойлар 2024 йил март ойида фойдаланишга топширилади.
Самарқандлик тадбиркор устозлар байрамида ўз ўқитувчисига икки хонали уй совға қилганди. Мактабгача ва мактаб таълими вазири Ҳилола Умарова ушбу видеони Telegram каналига жойлаб, бундан жуда хурсанд бўлганини билдирган.
“Устозларни эъзозлаш анъанага айланаётгани рост бўлсин! Ўз ўрнида, биз ҳам саховатли юртдошимизга миннатдорлик билдиришни ният қилдик”, — деб ёзади вазир.
Видеода ўқитувчи “Устоз олдида ўқувчисининг мана бундай ишлари жуда ҳам катта бахт”, — дея ҳаяжонини яшира олмаган.
Изоҳ (0)